Fana: At a Speed of Life!

አሜሪካ ኢራን ላይ የምትጥለው ማዕቀብ ከሐሙስ ጀምሮ ተግባራዊ መሆን ይጀምራል ተባለ

ማዕቀቡ ኢላማ ያደረገው በኢራን የአውቶሞቲቭ ዘርፍ ላይና በንግድ ዘርፉ ደግሞ በወርቅና በብረት ላይ ያነጣጠረ ነው ተብሏል

አዲስ አበባ፣ ሃምሌ 30፣ 2010 (ኤፍ.ቢ.ሲ) ዩናትድ ስቴትስ በኢራን ላይ የምትጥለው ማዕቀብ ከፊታችን ሐሙስ ጀምሮ ተግባራዊ መሆን እንደሚጀምር አስታወቀች፡፡

ማዕቀቡ ኢላማ ያደረገው በኢራን የአውቶሞቲቭ ዘርፍ ላይና በንግድ ዘርፉ ደግሞ በወርቅና በብረት ላይ ያነጣጠረ ነው ተብሏል፡፡

ዩናይትድ ስቴትስ ከ2015 የኒውክሌር ስምምነት ራሷን ማግለሏ ተከትሎ የፕሬዚዳንት ትራምፕ አስተዳደር በኢራን ላይ ማዕቀብ እንደሚጥል በተደጋጋገሚ ሲገልጽ መቆየቱ ይታወሳል፡፡

ሐሙስ ተግባራዊ የሚደረገው ይህ ማዕቀብ የመጀመሪያው ሲሆን ሁለተኛ ደግሞ በጥቅምት መጨረሻ ላይ እንደሚጣል ተገልጿል፡፡

በግንቦት መጀመሪያ ላይ ዩናትድ ስቴትስ ከኢራን አብዮታዊ ዘብ ጠባቂ ወታደራዊ ባለስልጣናት ጋር ግንኙነት አላቸው ባለቻቸው ስድስት ግለሰቦች እና ሶስት ኩባንያዎች ላይ ማዕቀብ ጥላለች፡፡

ባለፉት ሳምንታት የሁለቱ ሀገራት ፕሬዚዳንቶች የቃላት ጦርነት ስጥ ገብተው የነበረ ሲሆን ይህንን ተከትሎ ደግሞ ባልተጠበቀ ሁኔታ ፕሬዚዳንት ዶናልድ ትራምፕ ያለምንም ቅድመ ሁኔታ ከኢራኑ ፕሬዚዳንት ጋር የመገናኘት ፍላጎት እንዳላቸውም ገልጸዋል፡፡

አሁን የሚጣለው ማዕቀብ ኢራንን ብቻ ሳይሆን ከቴህራን ጋር የንግድ ግንኙነት ያላቸው ሀገራትንም ያካትታል ተብሏል፡፡

ምንጭ፦ አልጀዚራ
በአብርሃም ፈቀደ

You might also like
Comments
Loading...