Fana: At a Speed of Life!

በውሃ አለርጂ ምክንያት በዓመት ሁለት ጊዜ ብቻ የምትታጠበው ግለሰብ

አዲስ አበባ፣ ነሃሴ 25፣ 2010 (ኤፍ.ቢ.ሲ) ብሪታንያዊቷ ግለሰብ በውሃ አለርጂ ምክንያት በዓመት ሁለት ጊዜ ብቻ እንደምትታጠብ ተነገረ፡፡

የ52 ዓመቷ ግለሰብ ማክሲን ጆንስ የምትባል ሲሆን÷ ጠብታ ውሃ እንኳ ሰውነቷ ላይ ካረፈ ህመሙ እጅግ እንደሚያሰቃያት ገልጻለች፡፡

ማክሲን ጆንስ በበሽታው ምክንያት የነርስነት ሙያዋን ከስምንት ዓመታት በፊት በማቆም ቤት አውሏታል፡፡

የበሽታው ዓይነት አኳጀኒክ ኡርቲካሪያ በመባል የሚታወቅ ሲሆን በጥቂት ሰዎች ላይ የሚከሰት ነው ተብሏል፡፡

በሽታው 230 ሚሊየን ከሚሆኑ ሰዎች መካከል በአንድ ሰው ላይ የሚከሰት መሆኑንም መረጃዎች ያመለክታሉ፡፡

ሆኖም በቆዳ ህክምና ዘርፍ ውስጥ የሚገኙ ባለሙያዎቹ በሽታውን ከአለርጂም ከፍ የሚል ነው ይላሉ፡፡

እስከአሁን ለበሽታው የሚሆን መድሐኒት ያላገኙ ሲሆን÷ በምንዓይነት መንስዔ ሊከሰት እንደሚችል ፍንጭ አልተገኘለትም ተብሏል፡፡

ጆንስ በየዕለቱ በርካታ መድሐኒቶችን የምትወስድ ሲሆን÷ በእጆቿ ውሃ ላለመንካት ጓንት ትጠቀማለች፡፡

ሰውነቷንም ንጹህ ለማድረግ በወር 60 ፓውንድ ያህል ወጪ በማውጣት አረፋ መሰል ነገር እንደምትጠቀም ተገልጿል፡፡

ማክሲን ጆንስ ስለበሽታው አስከፊነት ስትናገርም ይህ የእድሜ ልክ እስራት ነው የትኛውም ሰው ላይ እንዲደርስ አልመኝም ብላለች፡፡

 

ምንጭ፦ዴይሊይሜይል

You might also like
Comments
Loading...