Fana: At a Speed of Life!

በኢንዶኔዥያ ሎምቦክ ደሴት በተከሰተ ርዕደ መሬት 10 ሰዎች ሞቱ

ሎምቦክ ደሴት ርዕደ መሬት

አዲስ አበባ ፣ ነሐሴ 14 ፣ 2010 (ኤፍ ቢ ሲ) በኢንዶኔዥያ ሎምቦክ ደሴት በከባድ የመሬት መንቀጥቀጥ ተመታች።

በደሴቲቱ የተለያዩ አካቢዎች ሁለት ከባድ የመሬት መንቀጥቀጥ አደጋ መከሰቱን የአካባቢው ነዋሪዎች ገልጸዋል።

በሬክተር ስኬል 6 ነጥብ 5 እና 7 የተለኩት የመሬት መንቀጥቀጦች ከ20 በላይ መኖሪያ ቤቶችን አፈራርሰዋልም ነው የተባለው።

ከዚህ ባለፈም የኤሌክትሪክ መስመሮችን በማፈራረስ በአካባቢው የእሳት አደጋ ደርሷልም ነው የተባለው።

በአደጋው ሳቢያም እስካሁን በጥቂቱ የ10 ሰዎች ህይዎት አልፏል።

ዛሬ የተከሰተው የመሬት መንቀጥቀጥ አደጋ ያስከተለው ንዝረትም የቱሪስት መዳረሻ በሆነው ሪንጃኒ ተራራ የመሬት መንሸራተት አስከትሏል ተብሏል።

የሎምቦክ ደሴት በዚህ ወር በከባድ ርዕደ መሬት በተደጋጋሚ መመታቷ ይነገራል።

በአካባቢው በደረሰው አደጋ ሳቢያም ተራራውን ተከትሎ የሚገኘው ፓርክ ተዘግቷል።

እስካሁን በደረሰው የመሬት መንቀጥቀጥ አደጋ ሳቢያም 500 ያክል ሰዎች መሞታቸውን ከስፍራው የሚወጡ መረጃዎች ያመላክታሉ።

 

 

 

 

ምንጭ፦ ቢቢሲ

 

 

You might also like
Comments
Loading...