Fana: At a Speed of Life!

በሰማይ ላይ በመብረር የልጅነት ህልሙን እውን ያደረገው ቻይናዊ

አዲስ አበባ፣ ነሃሴ 11፣ 2010 (ኤፍ.ቢ.ሲ) ምን ያህሎቻችን በልጅነታችን ያየናቸውን የካርቱን ፊልሞችን እናስታውሳል? ሻው ዴሊ የተባለው ቻይናዊ ታዲያ ከማስታወስም ይሻገራል፡፡

ቻይናዊው “መንኪ ኪንግ” ወይንም “ማጂካል ክላውድ” ከተሰኘው የካርቱን ፊልም ውስጥ የሚገኝ ገጸ ባህሪ ለበርካታ ዘመናት በአዕምሮው ሲጉላላ ቆይቷል፡፡

ሻው ዴሊ በአሁኑ ሰዓት ዕድሜው 40 ዓመት የደረሰ ሲሆን የዘመናት ህልሙንም ከሁለት ዓመታት ሙከራ በኃላ እውን ማድረግ ችሏል፡፡

ሻው ዴሊ በልጅነቱ በልበ-ወለዱ ዓለም የተመሰጠበትን በራሪ አካል “በራሪ ስኩተር” እውነተኛውን አለም እንዲቀላቀል ማስቻሉን ተናግሮዋል፡፡

ሁለት ዓመታት የፈጀውን በራሪ ስኩተር ለ1 ሺህ 559 ጊዜ የሙከራ በረራ ማድረጉ አንስቷል፡፡

ሻው የልጅነት ህልሙ የሆነውን በራሪ ስኩተር እውን ለማድረግ ቤቱን መሸጡንም ገልጿል፡፡

ይህ በሰው አልባ ትንንሽ አውሮፕላኖች ወይም በድሮን ቅርጽ የተሰራው በራሪ ስኩተር በሰማይ ላይ ሞተር ሳይክልን እንደማሽከርከር ነው ይላሉ፡፡

256 ኪሎግራም የሚመዝነው በራሪ ስኩተር በሰዓት 70 ኮሎሜትር የመጓዝ አቅም አለው ተብሏል፡፡

በሚቀጥለው ዓመት ከ 5 ሺህ የአሜሪካ ዶላር ባነሰ ዋጋ የቻይናን ገበያ እንደሚቀላቀል ተገልጿል፡፡

ምንጭ፦ሜይል
በአብርሃም ፈቀደ

You might also like
Comments
Loading...