Fana: At a Speed of Life!

በመዲናዋ የሚታየውን ህገ ወጥ የመሬት ወረራ ለመከላከል እየተሰራ ነው

አዲስ አበባ፣ ነሃሴ 25፣ 2010 (ኤፍ.ቢ.ሲ) ወቅታዊ ሁኔታዎችን በመጠቀም በተለያዩ ክፍለ ከተሞች ህገ ወጥ የመሬት ወረራ መስተዋሉንና ችግሩን ለመቅረፍ እየተሰራ እንደሆነ የአዲስ አበባ ፓሊስ ኮሚሽን አስታወቀ፡፡

በተለይ ከኦሮሚያ ልዩ ዞን በሚዋሰኑ በኮልፌ ቀራኒዮ ፣ በቦሌ ፣በየካና በንፋስ ስልክ ላፍቶ ክፍለ ከተሞች ችግሩ በስፋት እንደተያ በኮሚሽኑ የወንጀልና ትራፊክ አደጋ መከላከል ምክትል ኮሚሽነር ዘላለም መንግስቴ ተናግረዋል።

ከዚህ ባለፈ በተለያዩ የዘረፋና የኢኮኖሚ ወንጀሎች ላይ ተሳትፈዋል ያላቸውን 108 ተጠርጣሪዎችን ከሌሎች የፀጥታ አካላት ጋር በመሆን ኮሚሽኑ በቁጥጥር ስር ማዋሉን አስታውቋል።

በዘመቻው የተያዙት ተጠርጣሪዎች በጦር መሳሪያ የታገዘ ዘረፋ ፣ ለጋራ መኖሪያ ቤት ግንባታ የሚውሉ የኤሌትሪክ ኬብሎችን መስረቅ ፣ ሞተር ሳይክል በመጠቀም የቅሚያ ወንጀሎችን ሲፈፅሙ የቆዩ መሆናቸው ተገልጿል።

በዚህ ሂደት ፓሊስ ተጠርጣሪዎቹ ሲገለገሉባቸው የነበሩ ጦር መሳሪያዎችንና ሞተር ሳይክሎችን እንደያዘ ነው የታወቀው።

You might also like
Comments
Loading...