Fana: At a Speed of Life!

በመቐለ ከተማ ‘‘ናትና ወጋገን’’ በሚል ስያሜ የሩጫ ውድድር ተካሄደ

አዲስ አበባ ነሃሴ 13፣ 2010(ኤፍ.ቢ.ሲ) በትግራይ ክልል መቐለ ከተማ ‘‘ናትና ወጋገን’’ በሚል ስያሜ 10 ኪሎ ሜትር የሚሸፍን የሩጫ ውድድር ለ2ኛ ጊዜ ተካሄደ።

ውድድሩ ባለፈው ዓመት ሚያዚያ ወር ላይ ለመጀመሪያ ጊዜ የተካሄደ ሲሆን፥ በክልሉ የሚገኙ ወጣት አትሌሎችን ለማስተዋወቅ ያስችላል ተብሏል።

በዚህም በሁለቱም ፆታዎች 10 ኪሎ ሜትር ርቀት የሚሸፍን የሩጫ ውድድር በዛሬው ዕለት በትግራይ ክልል መቐለ ከተማመካሄዱ ነው የተገለጸው።

በውድድሩም በወንዶች ሀጎስ ገብረ ህይወት ከመስፍን ኢንዱስትሪያል እንጅነሪግ 1ኛ፣ ሰለሞን በሪሁ ከትራንስ ኢትዮጵያ 2ኛ እና 3ኛ ሠጸጋየ ጊዳኔ ከመስፍን ኢንዱስትሪያል ኢንጂነረግ ከ1- 3ሻ ደረጃ ይዘው ውድድሩ መጠናቀቁ ነው የተገለጸው።

በተመሳሰይ ርቀት በሴቶች 1ኛ የሺ በላይ በግል፣ 2ኛ ፎቴን ተስፋየ ከመሶቦ ሲሚንቶ ፋብሪካና 3ኛ ጽገ ሃይለ ስላሴው በቅደም ተከተል ከ1ኛ- 3ኛ ደረጃዎችን ይዘው ማጠናቀቃቸው ታውቋል።

በውድድሩ በሁለቱም ጾታዎች ከ1ኛ – 3ኛ ደረጃ ለወጡ አትሌቶች በየደረጃው ከ50 ሺህ እስከ 20 ሺህ ብር የገንዘብ ሽልማት የተበረከተላቸው መሆኑም ነው የተገለጸው።
በተመሳሳይ መልኩ 2 ኪሎ ሜትር የሚሸፍን የህፃናት ውድድርም የተካሄደ መሆኑም ተገልጿል።

ክብሮም ተስፋይ

You might also like
Comments
Loading...