Fana: At a Speed of Life!

በህገወጥ የውጭ ምንዛሪ ድርጊት ተጠርጥረው የተያዙ ግለሰቦች ቁጥር 40 ደረሱ

አዲስ አበባ፣ ነሃሴ 23፣ 2010 (ኤፍ.ቢ.ሲ) በህገወጥ የውጭ ምንዛሪ ግብይት ተጠርጥረው የተያዙ ግለሰቦች ቁጥር 40 መድረሱን የፌደራል ፖሊስ ኮሚሽን አስታወቀ።

በኮሚሽኑ የወንጀል ምርመራ ቢሮ የፋይናስ ወንጀሎች ምርመራ ምክትል ዳይሬክተር ደበበ ድጋፉ ለፋና ብሮድካስቲንግ ኮርፖሬት እንደተናገሩት፥ በቁጥጥር ስር የዋለው ገንዘብም ጭማሪ አሳይቷል።

እስከአሁን ከ6 ሚሊየን የኢትዮጵያ ብር በላይ፣ 56 ሺህ የአሜሪካ ዶላር፣ ከ4 ሺህ በላይ የእንግሊዝ ፓውንድና የሌሎች ሰባት ሀገራት መገበያያ ገንዘቦች በቁጥጥር ስር መዋላቸውን ገልጸዋል።

ከትናንት በስቲያ ጀምሮ በተካሄደው ዘመቻ በቁጥጥር ስር የዋሉት የተጠርጣሪዎች ቁጥም 40 የደረሰ ሲሆን፥ በዛሬው ዕለት ፍርድ ቤት ቀርበዋል።

የፌደራል ፖሊስ የወንጀል ምርመራ ቢሮ ዘመቻው ተጠናክሮ እንደሚቀጥልና የጥቁር ገበያውን በዋናነት የሚመሩ ግለሰቦችን በቁጥጥር ስር ለማዋል እንደሚሰራ አስታውቀዋል።

በዳዊት መስፍን

You might also like
Comments
Loading...