Fana: At a Speed of Life!

በዓል:  የቁልቢ ገብርዔል ዓመታዊ የንግስ በዓል  ያለምንም የፀጥታ ችግር ተጠናቀቀ

ቁልቢ ገብርዔል ዓመታዊ በዓል

አዲስ አበባ፣ ሀምሌ፣ 20፣ 2010(ኤፍ.ቢ.ሲ)በትናትናው  ዕለት በምስራቅ ሀረርጌ ዞን ሜታ ወረዳ ቁልቢ ከተማ የተከበረው የቁልቢ ገብርዔል ዓመታዊ የንግስ በዓል  ያለምንም የፀጥታ ችግር መጠናቀቁን የዞኑ ፓሊስ መምሪያ አስታወቀ።

የምዕራብና ምስራቅ ሀረርጌ ፓሊስ መምሪያ፣ የድሬደዋና የሀረር ፖሊስ ኮሚሽን እንዲሁም ሌሎች የሚመለከታቸው አካላት  በጋራ በመስራት በዓሉ በሰላም እንድተጠናቀቀ የመምሪያው የመንግስት ኮሙኒኬሽን ዲቪዥን ሀላፊ ኮማንደር ስዩም ደገፋ ተናግረዋል።

ህብረተሰቡ በተለይ ወጣቱ ከፖሊስ ጎን በመሆን ፀጥታው በማስከበር ትልቅ ድርሻ እንደነበራቸው ተገልጿል።

ሆኖም በዓሉ በተከበረበት ወቅት  በተወሰነ ደረጃ የስርቆት ወንጀሎች እንደነበሩ  የተገለፀ ሲሆን፦ በወቅቱ የብር፣ የሞባይ እና የልብስ ስርቆት እንደነበረ ታውቋል።

በዚህም የሞባይልና የብር ስርቆት የፈፀሙ ወንጀለኞች  በተመሳሳይ አንድ ዓመት  ከስድስት ወር እንደተፈረደባቸው ነው የተነገረው።

እንዲሁም በዚህ ደማቅ በዓል ላይ አንድ ግለሰብ ሴት በመምሰል ለማጭበርበር ጥረት ሲያደርግ በህብረተሰቡ ጥቆማ በቁጥጥር ስር ውሏል ተብሏል።

በርካታ ሺህ ሰዎች የታደሙበት የቁልቢ ገብርዔል ያለምንም የትራፊክ አደጋ እንደተጠናቀቀም ተነግሯል።

በዳግማዊ ዴሲሳ

You might also like
Comments
Loading...