Fana: At a Speed of Life!

ባለፉት ጥቂት ቀናት ብቻ ከሀገር ሊወጣ የነበረ 140 ሺህ የሚጠጋ የአሜሪካ ዶላር በተለያዩ ቦታዎች ተያዘ

140 ሺህ የሚጠጋ የአሜሪካ ዶላር በተለያዩ ቦታዎች ተያዘ

አዲስ አበባ፣ ሃምሌ 16፣ 2010 (ኤፍ ቢ ሲ) ባለፉት ቀናት በተለያዩ የሀገሪቱ አካባቢዎች በህገወጥ መንገድ ከሀገር ሊወጣ የነበረ ከ139 ሺህ በላይ የአሜሪካ ዶላር መያዙን የኢትዮጵያ ገቢዎችና ጉምሩክ ባለስልጣን ገለፀ።

የባለስልጣኑ የኮሙዩኒኬሽን ዳይሬክተር አቶ ኤፍሬም መኮንን ለፋና ብሮድካስቲንግ ኮርፖሬት እንደገለፁት፥ በጅግጅጋ በተካሄደ ፍተሻ 109 ሺህ 950 የአሜሪካ ዶላር ተይዟል።

በተጨማሪም 150 ሺህ ብር አብሮ የተከማቸ የኢትዮጵያ ብር ተይዟል።

በቦሌ ዓለም አቀፍ አውሮፕላን ማረፊያ በኩል ሊወጣ የነበረ 29 ሺህ 600 የአሜሪካ ዶላር እና 6 ሺህ 510 ዩሮ ተይዟል።

በሌላ በኩል በኮንሶ በኩል ወደ ሀገር ውስጥ ሊገባ የነበረ 497 ባለ 100 የሀሰት ብር ኖት፣ 662 ኪሎ ግራም ሀሺሽ፣ ሁለት ሽጉጥ፣ 64 የብሬን ጥይት ወደ መሃል ሀገር ሊገባ ሲል መያዙን ነው የጠቆሙት።

እንደዚሁም መቀሌ ላይ 97 ባለ መቶ የሀሰት የብር ኖት መያዙን አቶ ኤፍሬም ገልፀዋል።

ከቅዳሜ በፊት በተካሄዱ ኦፕሬሽኖች 10 ሚሊየን የአሜሪካ ዶላር የሚደረስ ገንዘብ መያዙን የፌደራል ፖሊስ መግለፁ ይታወሳል።

 

You might also like
Comments
Loading...