Fana: At a Speed of Life!

በሶሪያ በተፈጸመ ጥቃት 38 ሰዎች ሞቱ

አዲስ አበባ ፣ ሃምሌ 18 ፣ 2010 (ኤፍ ቢ ሲ) በሶሪያ በተፈጸመ የአጥፍቶ መጥፋት ጥቃት በጥቂቱ 38 ሰዎች መሞታቸው ተነገረ።

ጥቃቱ በደቡባዊቷ ስዌይዳ ከተማ የተፈጸመ ሲሆን፥ ከሞቱት በተጨማሪ 30 ያክል ሰዎች ቆስለዋል ነው የተባለው።

የፀጥታ ሃይሎችም በስፍራው ጥቃት ለመፈጸም ይንቀሳቀሱ የነበሩ ሌሎች ሁለት አጥፍቶ ጠፊዎችን መግደላቸውም ተሰምቷል።

ከጥቃቱ ጀርባም ጽንፈኛው ታጣቂ ቡድን አይ ኤስ ሳይኖርበት አይቀርም ተብሏል።

በከተማዋ ከተፈጸመው ጥቃት ባለፈም በሌሎች አካባቢዎች በሚገኙ መንደሮች ላይ ተመሳሳይ ጥቃቶች መፈጸማቸውን የሃገሪቱ የፀጥታ ሃይሎች ገልጸዋል።

በእነዚህ ስፍራዎች በተፈጸሙ ጥቃቶች ግን የደረሰ ጉዳት የለም ተብሏል።

የሶሪያ መንግስት ወታደሮች እያካሄዱት ባለው ዘመቻ አብዛኛው የሃገሪቱን ደቡባዊ ክፍል መቆጣጠራቸው ይነገራል።

 

ምንጭ፦ ቢቢሲ

You might also like
Comments
Loading...