Fana: At a Speed of Life!

የቦንብ ፍንዳታ: በሰኔ 16ቱ የቦንብ ፍንዳት በተጠረጠሩት ላይ የመጨረሻ የምርመራ  የሶስት ቀን ተጨማሪ ጊዜ ተሰጠ

ፍርድ ቤቱ የ14 ተጨማሪ የምርመራ ቀናት ጥያቄን ውድቅ አድርጓል

አበባ፣ ሐምሌ 24፣ 2010 (ኤፍ.ቢ.ሲ) የቀድሞው የአዲስ አበባ ፖሊስ ኮሚሸን ምክትል ኮሚሽነር ግርማ ካሳን ጨምሮ በሰኔ 16ቱ የድጋፍ ሰልፍ ላይ በተከሰተው የቦንብ ፍንዳታ ጋር በተያያዘ የስራ ከፍተት አሳይተዋል ተብለው በተጠረጠሩት ላይ  14 ተጨማሪ የምርመራ ቀናት ተጠይቆ የመጨረሻ  የሶስት ቀን  ጊዜ ተሰጠ።

የቀድሞው የአዲስ አበባ ፖሊስ ኮሚሸን ምክትል ኮሚሽነር ግርማ ካሳን እና ዘጠኝ በተለያዩ ሃላፊነት ደረጀ ላይ የሚገኙት የፌዴራል ፖሊስ አበላት ዛሬ ለተሰጣቸው የመጨረሻ የምርመራ የጊዜ በፌዴራል የመጀመሪያ ፍርድቤት 1ኛ የጊዜ ቀጠሮን በሚመለከት ወንጀል ችሎት ቀጠሮን ለመከታተል ተገኝተዋል።

በዚህ ወቅት ለመጨረሻ ጊዜ ተብሎ በነበረው የችሎት ቀጠሮ የተገኘው መርማሪ ፖሊስ በመዝገብ ቁጥር 264464 በስራ ክፍተት በሚል የተጠረጠሩትን 10 ተጠርጣሪዎችን በተሰጠው የመጨረሻ የአራት ቀን የጊዜ ቀጠሮ ከሃላፊዎች ጋር ምርመራውን መገምገሙን በመግለጽ ምስክር ለመቀበል በክፍለ ሃገር  የተላኩ አባላትን መልስ ለመጠበቅ እና የተጨማሪ  ምስክርና የተላኩ ደብዳቤዎችን ለመሰብሰብ ተጨማሪ 14 ቀን ጊዜ ይሰጠኝ ሲል መርማሪ ፖሊስ ፍርድቤቱን ጠትይቋል።

በቀዳሚነት የቀረቡት ምክትል ኮሚሽነር ግርማ በበኩላቸው ለምርመራ በሚል ለአምስተኛ ጊዜ ጊዜ ቀጠሮ መጠየቁ ህግን የተከተለ አይደለም ያሉ ሲሆን፥ በተሰጣቸው የመጨረሻ ጊዜም የያዙት ተጨማሪ ተጠርጣሪ የለም ብለዋል።

የምክትል ኮሚሽነሩ ጠበቃም መርመሪ ፖሊስ የፍርድ ቤት ትዛዝን እያከበረ አይደለም ፍርድ ቤቱ ለመጨረሻ ጊዜ ብሎ የሰጠውን የአራት ቀን ጊዜ ምንም ሳይሰራ በድጋሚ መጠየቁ ፍርድ ቤቱን አለማክበር ነው ብለዋል።

የዋስትና መብትን በማያሳግድ የአሰራር ክፍተት ጥርጣሬ ብቻ ከአንድ ወር በላይ አስሮ ማጉላላት ህገ መንግስትን የተከተለ  አለመሆኑን ገልፀዋል።

ቀሪ ዘጠኙ የፌዴራል ፖሊስ አባላተም በተመሳሳይ እኛ ዘቅተኛ የኢኮኖሚ አቅም ያለን ተከራይተን መኖር አቅቶን በካምፕ እየኖርን   ህዝብና ህገ መንግስቱን ስንጠበቅ የኖርን ዜጎች  በመሆናችን  መብታችን ሊጠበቅ ይገባል በማለት ለፍርድ ቤቱ ጥያቄ አቅርበዋል።

ተጠርጣሪዎቹ ተጨማሪ ጊዜ ሊሰጥ እንደማይገባና ከዚህ በፊት የፖሊስ ኮሚሽኑ ኮሚሽነር ምርመራ መጠናቁን  በሚዲያ አቅርበዋል ብለዋል።

በመሆኑም መርማሪ ፖሊስ  ተጨማሪ ምርመራ አልጨረስኩም እያለ ሊያስረን አይገባም ሲሉ ለፍርድ ቤቱ ተናግረዋል።

ፍርድ ቤቱ መርማሪ ፖሊስን በዋስ ቢወጡ የሚያደርሱት ችግር እንዲገልፅ የጠየቀ ሲሆን፥ መርማሪ ፖሊሱም ተጠርጣሪዎቹ በዋስ ቢወጡ  ሰነዶች ሊያጠፉ ይችላሉ በማለት ዋስተናውን ተቃውሟል።

ጉዳዩን የተከታተለው ችሎት የተጠርጣሪዎች  የዋስትና ጥያቄ ለአምስተኛ ጊዜ በማለፍ ከዚህ በኋላ ተጨማሪ ጊዜ እንዳይጠይቅ በማሳሰብ ምርመራወን ጭርሶ እንዲቀርብ ለመጨረሻ ጊዜ  የሶስት ቀን ተጨማሪ የምርመራ ጊዜ ሰጥቷል።

You might also like
Comments
Loading...