Fana: At a Speed of Life!

የሲዳማ ብሄር የዘመን መለወጫ ፊቼ ጨምበላላ መከበር ጀመረ

ፊቼ ጨምበላላ

አዲስ አበባ፣ ሰኔ 5፣ 2010 (ኤፍ.ቢ.ሲ) የሲዳማ ብሄር የዘመን መለወጫ ፊቼ ጨምበላላ በዓል ከዛሬ ጀምሮ በተለያዩ ስነ ስርዓቶም መከበር ጀምሯል።

በሀዋሳ ከተማ መከበር የጀመረው የሲዳማ ብሄር የዘመን መለወጫ ፊቼ ጨምበላላ በዓል እስከ ነገ ድረስ በተለያዩ ስን ስርዓቶች ደምቆ እንደሚቆይ ተነግሯል።

በበሲዳማ ዞን ከሚገኙ ወረዳዎች የተውጣጡ የሃገር ሽማግሌዎች በበዓሉ ላይ “የቄጣላ” ጨዋታና የፈረስ ጉግስን ጨምሮ የተለያዩ ዝግጅቶችን የሚያከናውኑ ይሆናል።

በዓሉ በዞኑ ወረዳዎች ለተከታታይ ሁለት ሳምንታት በተለያዩ ዝግጅቶች እንደሚከበርም ታውቋል፡፡

የሲዳማ ብሄር ዘመን መለወጫ ”ፊቼ ጨምባላላ” በዓል በተባበሩት መንግስታት የሳይንስ፣ የትምህርትና የባህል ማእከል (ዩኔስኮ) በማይዳሰስ ቅርስነት የተመዘገበው በ2008 ዓ.ም ህዳር ወር ላይ መሆኑ ይታወሳል።

የደቡብ ክልል ባህልና ቱሪዝም ቢሮ ለፋና ብሮድካስቲንግ ኮርፖሬት እንደገለፀው፥ በዓሉን ለማክበር አስፈላጊውን ዝግጅት ሲያከናውን ቆይቷል።

የቢሮው ምክትል ሀላፊ አቶ ለማ መሰለ፥ ፊቼ ጨምበላላ በዓልን ምክንያት በማድረግ ወደ ከተማዋ ለሚመጡ ጎብኚዎች የክልሉን ባህል ለማስተዋወቅ እንደሚንቀሳቀሱም ተናግረዋል።

የሲዳማ ብሄር ዘመን መለወጫ ”ፊቼ ጨምባላላ” በዓል በተባበሩት መንግስታት የሳይንስ፣ የትምህርትና የባህል ማእከል (ዩኔስኮ) በማይዳሰስ ቅርስነት የተመዘገበው በ2008 ዓ.ም ህዳር ወር ላይ መሆኑ ይታወሳል።

 

You might also like
Comments
Loading...