Fana: At a Speed of Life!

በኢትዮጵያውን የተነደፈ: በኢትዮጵያውያን ዲዛይን የተደረጉ አምስት የቴክኖሎጂ ውጤቶች ወደ ምርት እንደሚገቡ ተገለፀ

በኢትዮጵያውያን ዲዛይን የተደረጉ የቴክኖሎጂ ውጤቶች

አዲስ አባባ፣ ሰኔ፣ 22፣ 2010(ኤፍ.ቢ.ሲ) በኢትዮጵያ የተነደፈ ወይንም ዲዛይን ኢን ኢትዮጵያ ውድድር ላይ ከተሳተፉ 100 የዲዛይን ስራዎች የተመረጡ አምስት የዲዛይን ስራዎች ወደ ምርት እንደሚገቡ የሳይንስና ቴክኖሎጂ ሚኒስቴር አስታወቀ።

በቅርቡ ወደ ምርት ይገባሉ ተብሎ ከሚጠበቁ የዲዛይን ስራዎች መካከል በሰው ቋንቋ የሚናገርና የሚያስጠነቅቅ የአይነስውራን መሪ በትር፣ በፀሃይ ሀይል የሚሰራ መብራት፣ የሞባይል ቻርጀር እንዲሁም ቀላል የፀሃይ ሀይል ቴክኖሎጂ እና ሰዓትና ቀንን ከሌሎች አዳዲስ ግብአቶች ጋር የሚያሳይ የኢትዮጵያ ቀን መቁጠሪያ መተግበሪያ ይገኙበታል።

ከእነዚህ የዲዛይን ስራዎች በተጨማሪ ተጠቃሚዎች በስራ ላይ ሆነው በተለያዩ የኤሌክትሮኖክስ ውጤቶች ያለምንም ኢንተርኔት የራዲዮ አገልግሎት የሚሰጥ ‹‹ቃና ኤፍ ኤም ሪሲቨር›› እና የልብ የሳንባ እና ሌሎች የሰውነት ክፍሎችን መመርመሪያ መሳሪያዎች ወደ ምርት እንደሚገቡ ነው ሚኒስቴሩ ያስታወቀው።

በኢትዮጵያውያን የተነደፉት እነዚህ የዲዛይን ውጤቶችም ቻይና ሺንዘን ተልከው የሚመረቱ ሲሆን፥ በቅርቡም ገቢያውን ይቀላቀላሉ ተብሎ ይጠበቃል።

ሚኒስቴሩ እንዲዚህ አይነት ተመሳሳይ የዲዛይን ውድድሮችን በየዓመቱ ለሁለት ጊዜያት እንደሚያዘጋጅም አስታውቋል።

You might also like
Comments
Loading...