Fana: At a Speed of Life!

የብሄራዊ ባንክ ገዢ ዶ/ር ይናገርና የአሜሪካ ምክትል የንግድ ሚኒስትር ካፕላን በውጭ ምንዛሬ እጥረት ዙሪያ ተወያዩ

የብሄራዊ ባንክ ገዢና የአሜሪካ ምክትል የንግድ በውጭ ምንዛሬ እጥረት ዙሪያ

አዲስ አበባ፣ ሰኔ 19፣ 2010 (ኤፍ.ቢ.ሲ) የብሄራዊ ባንክ ገዢ ዶክተር ይናገር ደሴ እና የአሜሪካ ምክትል የንግድ ሚኒስትር ጊልበርት ካፕላን በኢትዮጵያ ያጋጠመውን የውጭ ምንዛሬ እጥረት መቅረፍ በሚቻልበት ዙሪያ ተወያዩ።

የብሄራዊ ባንክ ገዢ ዶክተር ይናገር ደሴ እና የአሜሪካ ምክትል የንግድ ሚኒስትር ጊልበርት ካፕላን በነበራቸው ቆይታም በገንዘብ ፖሊሲ እና የፋይናንስ አስተዳደር ጉዳዮች ላይ መክረዋል።

በተጨማሪም በኢትዮጵያ አሁን ላይ ያጋጠመውን የውጭ ምንዛሬ እጥረት መፍታት በሚቻልባቸው ጉዳዮች ላይም ውይይት አድርገዋል።

በሀገሪቱ እያጋጠመ ያለውን የውጭ ምንዛሪ ችግር ለመፍታት በመንግስት በአጭር፣ መካከለኛ እና ረጅም ጊዜ እየተወሰዱ ስላሉ እርምጃዎች ላይም ዶክተር ይናገር ደሴ የአሜሪካ ምክትል የንግድ ሚኒስትር ጊልበርት ካፕላን ገለፃ አድርገዋል።

የአሜሪካ ምክትል የንግድ ሚኒስትር ጊልበርት ካፕላን በውይይቱ ወቅት፥ የኢትዮጵያ መንግስት በኢኮኖሚው ዘርፍ እየወሰዳቸው ያለውን ማሻሻያዎችንም አድንቀዋል።

በውይይቱ የአሜሪካ ባለሀብቶች በኢትዮጵያ መዋዕለ ንዋያቸውን ማፍሰስ በሚችሉበት አማራጮች እና በኢትዮጵያ ውስጥ እየሰሩ ላሉ የአሜሪካ ኩባንያዎች ብድር ማግኘት በሚቻልበት ሁኔታ ላይም መክረዋል።

 

ምንጭ፦ et.usembassy.gov

You might also like
Comments
Loading...