Fana: At a Speed of Life!

የባህር ዳር ከተማ አስተዳደር በጫት ምርት ላይ በኪሎ ግራም እስከ 30 ብር ቀረጥ ሊጥል ነው

አዲስ አበባ፣ ሚያዚያ 16፣ 2010 (ኤፍ.ቢ.ሲ) የባህር ዳር ከተማ አስተዳደር በጫት ምርት ላይ ከነገ ሚያዚያ 17 2010 ዓ.ም ጀምሮ ቀረጥ ሊጥል መሆኑ ተገለፀ።

የባህር ዳር ከተማ አስተዳደር ገቢዎች ጽህፈት ቤት ስራ አስኪያጅ አቶ ዘውዱ ክፍሌ ዛሬ በሰጡት መግለጫ፥ በጫት ምርት ላይ ከነገ ጀምሮ በተደራጁ ማህበራት አማካኝነት የቀረጥ የመጣል ስራ ይጀመራል።

በዚህ መሰረት ለባህር ዳር ከተማና አካባቢው ከ1 ኪሎ ግራም ጫት ላይ 5 ብር ቀረጥ የተቀመጠ መሆኑንም ስራ አስኪያጁ አስታውቀዋል።

ከባህር ዳር ውጭ በሚጫኑ የጫት ምርቶች ላይ ከ1 ኪሎ ግራም የጫት ምርት ላይ 30 ብር ቀረጥ የተጣለ መሆኑንም ገልፀዋል።

እንደ አቶ ዘውዱ ገለፃ፥ በጫት ምረት ላይ ዋናነት ቀረጥ መጣል ያስፈለገበትን ምክንያት በጫት ላይ የዋጋ ጭማሪ በማድረግ የገዥን አቅም ማዳከምና ጫት የሚቅም ወጣትን ለመታደግ የታሰበ ነው።

በተጨማሪም ቀረጥ መጣሉ የጫት ምርት ለባህር ዳር ከተማ ከፍተኛ የገቢ ምንጭ እንደሚሆንም ተናግረዋል።

እንደ ኃላፊው ገለፃ፥ በቅርቡ በተደረገ የዳሰሳ ጥናት መሰረት ወደ ባህር ዳር ከተማ በቀን ከ5 ሺህ ኪሎ ግራም በላይ የጫት ምርት ይገባል።

መረጃውን ከባህር ዳር ከተማ ኮሙዩኒኬሽን ቢሮ ነው ያገኘነው።

You might also like
Comments
Loading...