Fana: At a Speed of Life!

ናይጀሪያ የፕሬዚዳንታዊ ምርጫ መወዳደሪያ እድሜ ገደብን ወደ 35 ዝቅ የሚያደርግ ህግ ልታፀድቅ ነው

አዲስ አበባ፣ ግንቦት 21፣ 2010 (ኤፍ.ቢ.ሲ) የናይጀሪያው ፕሬዚዳንት ሙሀሙድ ቡሃሬ በፕሬዚዳንታዊ ምርጫ ለመሳተፍ የተቀመጠውን የእድሜ ገደብ መቀነስ የሚያስችል አዲስ ህግ እንደሚፀድቅ አስታወቁ።

አዲሱ ህግ በፕሬዚዳንታዊ ምርጫ ለመሳተፍ 40 ዓመት የነበረውን የእድሜ ገደብ ወደ 35 እንዲሁም የሴናተር እና የክልሎች አስተዳዳሪ መወዳደሪያ እድሜ ገደብን ከ3o ጀምሮ እንዲሆን ያደርጋል።

ይህ ህግ ወጣቶች በቀጣይ ዓመት በሚካሄደው ምርጫ መሳተፍ እንዲችሉ እድል ይፈጥርላቸዋል ተብሏል።

ውሳኔው ወጣቶች ከሀገሪቱ ፓለቲካ መገላለቸውን በመግለፅ ከፍተኛ ጫና መፍጠራቸውን ተከትሎ እንደሆነ ተነግሯል።

ከዚህ ባለፈ ለሀገራዊ እና ክልላዊ ፓርላማ ለመመረጥ የሚያስችለው ዝቅተኛው የእድሜ ገደብ 25 ሲሆን፥ እርምጃው ወጣቶች በሀገሪቱ ፓለቲካ ያላቸውን ተሳትፎ የሚያሻሽል ነው ተብሏል።

ፕሬዚዳንቱ የህዝብን ደህንነት ማስጠበቅ የመንግስት ቀዳሚ ተግባር እንደሆነ የዲሞክራሲ ቀን በሀገሪቱ በየተከበረበት ወቅት ተናግረዋል።

ምንጭ፦ ሲጂቲኤን

You might also like
Comments
Loading...