Fana: At a Speed of Life!

ከቡና ምርት የሚገኘውን የውጭ ምንዛሬ ላማሳደግ የብሎክ ቼይን ቴክኖሎጂን ጥቅም ላይ ሊውል ነው

አዲስ አበባ፣ ሚያዚያ 25፣ 2010 (ኤፍ.ቢ.ሲ) ኢትዮጵያ ከቡና ምርት የምታገኘውን የውጭ ምንዛሬ ገቢ ላማሳደግ የብሎክ ቼይን ቴክኖሎጂን ጥቅም ላይ ለማዋል እየተሰራ ነው፡፡

የሳይንስና ቴክኖሎጂ ሚኒስቴር የብሎክ ቼይን ቴክኖሊጂን ወደ ስራ ማስገባት በሚቻልበት ሁኔታ ላይ በዘርፉ የካበተ ልምድ ካለው የብሪታኒያው አይኦኤችኬ ተቋም ጋር በመተባበር ምክክር እያካሄደ ነው፡፡

የሳይንስና ቴክኖሎጂ ሚኒስቴር ሚኒስትር ዶክተር ኢንጂኒየር ጌታሁን መኩሪያ ኢትዮጵያ ከቡና ምርት የምታገኘውን የውጭ ምንዛሬ ገቢ ላማሳደግ የብሎክ ቼይን ቴክኖሎጂን ጥቅም ላይ ለማዋል እየተሰራ መሆኑን ገልጸዋል፡፡

ቴክኖሎጂው ቡና ከምርቱ ጀምሮ ለተጠቃሚው እስከሚደርስ ያለውን ሂደት በመከታተል ጥራቱን የጠበቀ ቡና እንዲቀርብ ያስችላል ያሉት ሚኒስትሩ በቀጣይ ወደ ፋይናንስና ሌሎች ዘርፎች ስርዓቱ የሚገባበት ሁኔታ ይመቻቻል ብለዋል፡፡

በዘርፉ ልምድ ያለው የብሪታንያው አይኦኤችኬ በቴክኖሎጂው ዙሪያ ስልጠናዎችን እንደሚሰጥ ሳይንስና ቴክኖሎጂ ገልጿል፡፡

ብሎክ ቼይን አዲስ ቴክኖሎጂ ሲሆን፥ የምርትን ወይም አገልግሎትን ሙሉ መረጃ በመያዝ በተጠቃሚዎች መካከል ግልጽነትና መተማመን የሚፈጥር ነው ተብሏል፡፡

ቴክኖሎጂው ለግብርና፣ ለፋይናንስ፣ ለምርጫ ስርዓት እና ለመሳሰሉት ጥቅም ላይ የሚውል ሲሆን፥ ከመጭበርበር የጸዳና እጅግ አስተማማኝ ነው፡፡

You might also like
Comments
Loading...