Fana: At a Speed of Life!

የኢትዮጵያ አየር መንገድ ዘጠነኛውን ኤር ባስ ኤ 350 አውሮፕላን ዛሬ ተረከበ

አዲስ አበባ፣ ግንቦት 11፣ 2010 (ኤፍ.ቢ.ሲ) አየር መንገዱ ከዓመት በፊት ካዘዛቸው 24 ኤር ባስ ስሪት ኤ 350 አውሮፕላኖች መካከል ዘጠነኛውን ዛሬ እንደተረከበ ተገልጿል።

ዘመናዊና ለመንገደኞች ምቹ የሆነው ይህ 24 ኤር ባስ ስሪት ኤ 350 አውሮፕላን ከ160 ሚሊዮን ዶላር በላይ የወጣበት እንደሆነ የአየር መንገዱ የፋይናንስ መምሪያ ዋና አስፈጻሚ አቶ መሰረት ቢተው ገልጸዋል።

አውሮፕላኑ 343 ተሳፋሪዎችን የሚይዝ ሲሆን፥ መጠነኛ የመንገደኞች ጭነት አገልግሎት ይሰጣል ተብሏል።

የኢትዮጵያ አየር መንገድ ከዚህ ቀደም 8 ተመሳሳይ አውሮፕላኖች ማስገባቱን የአየር መንገድ የፋይናንስ መምሪያ ዋና አስፈጻሚ አቶ መሰረት ቢተው ተናግረዋል።

በዘቢብ ተክላይ

You might also like
Comments
Loading...