Fana: At a Speed of Life!

ለተጨማሪ ንጥር ነገር እና ቪታሚን በአፍ የሚወሰዱ ኪኒኖች ጉዳትም ሆነ ጥቅም የላቸውም – ጥናት

አዲስ አበባ፣ ግንቦት 21፣ 2010 (ኤፍ.ቢ.ሲ) ለተጨማሪ ንጥር ነገር እና ቪታሚን በአፍ የሚወሰዱ ኪኒኖች ለጤና ጉዳትም ሆነ ጥቅም የሌላቸው መሆኑን አንድ ጥናት አመለከተ።

ኪኒኖች የሚወሰዱት ሰውነት ከምግብ ከሚያገኛቸው ንጥር ነገር እና ቪታሚን ተጨማሪ አልሚ ምግቦችን ለማግኘት ሲሆን፥ ታብሌቶቹ ለጤና ጠቀሜታም ይሁን ጉዳት የሌላቸው መሆኑን ጥናቱ ማረጋገጡን ነው የተገለጸው።

በቶረንቶ የቅዱስ ሜካኤል ሆስፒታል ተመራማሪዎች በተጨማሪነት የሚወሰዱ ቪታሚን ኤ፣ ቢ1፣ ቢ2፣ ቢ3 (ኒያሲን) ቪታሚን ቢ6፣ ቢ9 (ፎሊክ አሲድ) ቪታሚን ሲ፣ ዲ፣ ኢ፣ ካሮቲን፣ ካልሼም፣ ብረት፣ ዚንክ፣ ማግኒዢየም ሰለኒየም ይዘት ያላቸው ኪኒኖች ላይ ጥናቱን ማካሄዳቸውን ነው ዘገባው የሚያስረዳው።

በዚሁ ጥናት እንደተመላከተው ፎሊክ አሲድና የቪታሚን ቢ የልብ ህመመንና ‘‘ስትሮክን’’ ለመከላከል ጠቀሜታ ያላቸው መሆኑ ተገልጿል።

ሌሎቹ በተጨማሪነት በአፍ የሚወሰዱ ኪኒኖች ግን ለጤና ጉዳትም ሆነ ጥቅም የሌላቸው መሆኑ ነው የተገለጸው።

የኪኒኖቹ ተጠቃሚዎች በጤና ባለሞያዎች የሚታዘዙ እንክብሎች ብቻ መጠቀም እንዳለባቸውም ነው በዘገባው የተገለጸው።

የጥናቱ ጸሃፊ ዶ/ር ደቪድ ጄንክኢንስ ከሚወሰዱ ቪታሚንና ሚኒራል እንክብሎች የሚገኘው ተጨማሪ ‘‘መልቲ’’ ቪታሚን ዲ፣ ካልሼም ወይንም ቪታሚን ሲ ውስንና ለጤናም ጉዳት ሆነ ጥቅም የሌላቸው ሆነው መገኘታቸውን ተናግረዋል።

በተጨማሪነት በሚወሰዱ በእነዚህ ኪኒኖች ላይ ከአሁን በፊት የተሰራ ጥናት የሌለ መሆኑንም ነው ዘገባው የሚያስረዳው።

You might also like
Comments
Loading...