Fana: At a Speed of Life!

ህንድና ኢራን ግንኙነታቸውን የበለጠ የሚያጠናክሩ ስመምነቶችን ተፈራረሙ

አዲስ አበባ፣ የካቲት 12፣ 2010 (ኤፍ.ቢ.ሲ) ህንድ እና ኢራን የሁለትዮሽ ግንኙነታቸውን የበለጠ ሊያጠናክሩ የሚችሉ የመግባቢያ ስምምነቶችን መፈራረማቸው ተነግሯል።ሁለቱ ሀገራት ከስመምነት የደረሱት የኢራኑ ፕሬዚዳንት ሀሰን ሩሃኒ በህንድ የሶስት ቀናት ይፋዊ የስራ ጉብኝት ማድረጋቸውን ተከትሎ ነው።

በጉብኝቱ ወቅትም የኢራኑ ፕሬዚዳንት ሀሰን ሩሃኒ ከህንዱ ጠቅላይ ሚኒስትር ናሬንድራ ሞዲ ጋር በሁለትዮሽ ጉዳዮች ላይ ተወያይተዋል ነው የተባለው።

ውይይቱን ተከትሎም የህንዱ ጠቅላይ ሚኒስትር ናሬንድራ ሞዲ በትዊተር ገፃቸው ላይ፥ ከፕሬዚዳንት ሩሃኒ ጋር ውጤታማ ውይይት ማድረጋቸውን አስታውቀዋል።

ከውይይቱ በማስከተልም ሁለቱ ሀገራት በ9 ጉዳዮች ዙሪያ በጋራ ለመስራት የሚያስችላቸውን ስምምነቶች መፈራረማቸው ነው የተነገረው።

ከስምምነቱም ህንድ ኩባንያዎች ንብረትነቱ የኢራን የሆነውን ቻባሃር ወደብን የተወሰነ አካል በከፊል ወስዶ እንዲያለማ የሚፈቅድ ይገኝበታል ነው የተባለው።

 

ምንጭ፦ www.aljazeera.com

You might also like
Comments
Loading...