በአማራ ክልል ባህርዳርን ጨምሮ በ4 ከተሞች ማንኛውም አይነት የህዝብና የተሽከርካሪ እንቅስቃሴ እንዳይኖር ተወሰነ

በከተሞቹ ከነገ 6 : 00 ስዓት ጀምሮ ለ14 ቀን የሚቆይ ማንኛውም አይነት የህዝብ እና የተሽከርካሪ እንቅስቃሴ እንዳይደረግ ተወስኗል።

አቶ ጌትነት ይርሳው አክለውም፥ በአራቱ ከተሞች ቫይረሱን ለመከላከል የሚግዙ ግባአቶች ግን በልዩ ትኩረት ተሰጥቶአቸው 24 ስአት እንደሚሰራ ይደረጋል ብለዋል።

እገዳው በልዩ ሁኔታ የሚንቀሳቀሱ የደረቅና የፈሳሽ ጭነት ተችከርካሪዎችን እንዲሁም የውኃና ኤሌክትሪክ አገልግሎት ሠራተኞች አይጨምርም ያሉት አቶ ጌትነት፥ የድንገተኛ አገልግሎት የሚሰጡና የወረርሽኙ በጎ ፍቃደኞች ግን መንቀሳቀስ እንደሚችሉም አስታውቀዋል።

መመሪዎችን ተላልፈው የሚገኙ ሰዎችን በህግ ተጠያቂ የሚደረጉ መሆኑን በመግለጽ፤ የፀጥታ አካላት ኃላፊነት እንደወሰደም ገልፀዋል።

በናትናኤል ጥጋቡ