ፕሬዚዳንት ትራምፕ በወሩ መጨረሻ ከፕሬዚዳንት ቡሃሪ ጋር በኋይት ሃውስ ይወያያሉ

አዲስ አበባ ፣ ሚያዚያ 8 ፣ 2010 (ኤፍ ቢ ሲ) የአሜሪካው ፕሬዚዳንት ዶናልድ ትራምፕ ጋር በወሩ መጨረሻ ከናይጀሪያው አቻቸው ሙሃማዱ ቡሃሪ ጋር ሊወያዩ ነው።

የመሪዎቹ ውይይት የዛሬ ሁለት ሳምንት የሚካሄድ ይሆናል ተብሏል።

የኋይት ሃውስ ቃል አቀባይ ሳራ ሳንደርስ፥ ውይይቱ በፕሬዚዳንት ትራምፕ ግብዣ መሰረት እንደሚካሄድ ተናግረዋል።

ዶናልድ ትራምፕ ከፕሬዚዳንት ቡሃሪ ጋር የሃገራቱን የሁለትዮሽ ግንኙነት ማጠናከር በሚያስችሉ ጉዳዮች ዙሪያ ይወያያሉም ነው ያሉት ቃል አቀባይዋ።

ሽብርተኝነት፣ ኢኮኖሚያዊ እድገትና ማሻሻያዎች እና ሌሎች የፀጥታና የደህንነት ስጋት የሆኑ ጉዳዮች የመወያያቸው ነጥቦች ይሆናሉ ነው የተባለው።

ከዚህ ባለፈም ናይጀሪያ በምዕራብ አፍሪካ ያላትን የመሪነት ሚና ማጠናከር በሚያስችሉ ጉዳዮች ላይም እንደሚመክሩ ይጠበቃል።


ምንጭ፦ ሲ ጂ ቲኤን አፍሪካ