ቱርክ ዜጎቿ ወደ አሜሪካ እንዳይጓዙ አስጠነቀቀች

አዲስ አበባ ፣ ጥር 4 ፣ 2010 (ኤፍ ቢ ሲ) ቱርክ ዜጎቿ ወደ አሜሪካ እንዳይጓዙ አስጠነቀቀች።

የሃገሪቱ የውጭ ጉዳይ መስሪያ ቤት ዜጎች ወደ አሜሪካ ቢጓዙ ድንገተኛ እስር ሊጠብቃቸው ይችላል በማለት አስጠንቅቋል።

ከዚህ ጋር ተያይዞም ወደ አሜሪካ መሄድ ያሰቡ የሃገሬው ዜጎች ውሳኔያቸውን እንዲያጤኑት አሳስቧል።

የአሁኑ የአንካራ ማስጠንቀቂያ አሜሪካ በተመሳሳይ ሁኔታ ዜጎቿ ወደ ቱርክ እንዳይጓዙ ካስጠነቀቀች በኋላ የመጣ ነው ተብሏል።

አሜሪካም በተመሳሳይ መልኩ ዜጎቿ ወደ ቱርክ እንዳያቀኑ አስጠንቅቃለች።

አሜሪካ የቀድሞውን ቱርካዊ የባንክ ሰራተኛ በህገ ወጥ የገንዘብ ዝውውርና ከኢራን ጋር የተጣለውን ማዕቀብ በመተላለፍ በቁጥጥር ስር አውላዋለች።

ዋሽንግተን በኢራን ላይ የጣልኩት ማዕቀብ በተጣሰበትና በርካታ ቢሊየን ዶላሮች የገንዘብ ዝውውር በተደረገበት ህገ ወጥ ድርጊት ግለሰቡ እጁ አለበት ስትልም ከሳዋለች።

የግለሰቡ በቁጥጥር ስር መዋል ያልተዋጠላት አንካራም የአሜሪካን አካሄድ ተችታለች።

ድርጊቱም በፈረንጆቹ 2016 ተካሂዶ የከሸፈውን መፈንቅለ መንግስት መርተውታል ባለቻቸው ሃይማኖታዊ መሪ አማካኝነት የተቀነባበረ መሆኑንም ገልጻለች።

የአንካራ ለዜጎቿ የሰጠችው ማስጠንቀቂያ ከምን የመነጨ እንደሆነ ግን እስካሁን የተባለ ነገር የለም።


ምንጭ፦ ሬውተርስ