ቤተ ክርስቲያኒቱ 15 አዳዲስ ጳጳሳትን ሾመች

 አዲስ አበባ ፣ ሃምሌ 9፣ 2009 (ኤፍ ቢ ሲ) የኢትዮጵያ ኦርቶዶክስ ተዋህዶ ቤተ ክርስቲያን 15 አዳዲስ ጳጳሳትን ሾመች።

የጳጳሳቱ ሹመት ዛሬ ከማለዳው ጀምሮ በቅድስት ስላሴ ካቴድራል የቤተክርስቲያኒቱ ፓትርያርክ ብፁዕ ወቅዱስ አቡነ ማትያስ፣ ብፁዓን ሊቃነ ጳጳሳት፣ ካህናትና በርካታ ምዕመናን በተገኙበት ተካሂዷል።

ጳጳሳቱ በተለያዩ የሃገሪቱ ዞኖች አገልግሎታቸውን እንዲወጡ መመደባቸው በስነ ስርዓቱ ላይ ተገልጿል።

የቤተክርስቲያኒቲ ፓትርያርክ ብፁዕ ወቅዱስ አቡነ ማትያስ ተሿሚ ጳጳሳቱ የዘመኑ ትውልድ በስነ ምግባር እንዲታነጽ የሚጠበቅባቸውን ሃገራዊ ሃላፊነት እንዲወጡ አሳስበዋል።

የፌደራልና አርብቶ አደር ጉዳዮች ሚኒስትር አቶ ካሳ ተክለብርሃን በበኩላቸው፥ ጳጳሳቱ ከሃዋርያዊ አገልግሎታቸው ጎን ለጎን በሃገራዊ ልማትና የሰላም ግንባታ ውስጥ የበኩላቸውን አስተዋጽኦ እንዲያበረክቱ ጠይቀዋል።

ተሿሚ ጳጳሳቱ መላውን ምዕመን ለማገልገል እና የሃገሪቱን ልማትና ሰላም ለማስቀጠል ሃላፊነታቸውን ለመወጣት ቃለ መሃላ ፈጽመዋል።

 

ተሿሚ ጳጳሳቱ እነማን ናቸው?

የቀድሞ ስማቸው                           የአሁኑ ስማቸው        

 

1. አባ ዮሃንስ                                 ብፁዕ አቡነ ይስሃቅ

2. አባ ሃይለሚካኤል                       ብፁዕ አቡነ ሚካኤል

3. አባ ወልደመድህን                      ብፁዕ አቡነ ዜና ማርቆስ

4. አባ ወልደሃና                            ብፁዕ አቡነ ቶማስ

5. አባ ሄኖክ                                ብፁዕ አቡነ ህርያቆስ

6. አባ ዘድንግል                           ብፁዕ አቡነ መልከ ጼዴቅ

7. አባ ብርሃነ መስቀል ተድላ          ብፁዕ አቡነ ዲዮናስዮስ

8. አባ ገብረህይዎት                      ብፁዕ አቡነ ናትናኤል

9. አባ ገብረእግዚአብሄር              ብፁዕ አቡነ መርሃ ክርስቶስ

10. አባ ሳሙኤል                         ብጹዕ አቡነ ኤርሚያስ

11. አባ ፊሊጶስ                            ብፁዕ አቡነ ፊሊጶስ

12. አባ ብርሃነ መስቀል                ብፁዕ አቡነ በርናባስ

13. አባ ዘርዓዳዊት                       ብፁዕ አቡነ ጴጥሮስ

14. ዶክተር አባ ሃይለማርያም        ብፁዕ አቡነ አረጋዊ

15. አባ ተክለሃይማኖት                ብፁዕ አቡነ ሩፋኤል

 

 

 

 

 

 

በድጋፌ ዳኛቸው