ዜናዎች (12209)

አዲስ አበባ ፣ ግንቦት 8 ፣ 2006 (ኤፍ.ቢ.ሲ.) በኬንያ ናይሮቢ በሚገኝ  የገበያ ስፍራ ሁለት ተከታታይ ፍንዳታዎች መከሰታቸው ተሰማ።


አዲስ አበባ ፣ ግንቦት 8 ፣ 2006 (ኤፍ.ቢ.ሲ.) በአዲስ አበባ እየተገነቡ ያሉ የ40 /60 ቁጠባ ቤቶች እስከ ሰኔ 30 ድረስ ይጠናቀቃሉ ተባለ።

የአዲስ አበባ ከተማ አስተዳደር ቁጠባ ቤቶች ልማት ኢንተርፕራይዝ ዛሬ በሰጠው መግለጫ የቤቶቹ ግንባታ እስከ 58 በመቶ ደርሷል ብሏል።

የኢንተርፕራይዙ ስራ አስኪያጅ አቶ ክንዴ ብዙነህ ፤ በሰንጋ ተራና በክራውን በ2005 ዓ.ም የተጀመሩ የ40 / 60 የቤቶች ግንባታ ከ58 በመቶ በላይ መጠናቀቃቸውን ገልጸው ፥ በ2006 ዓ.ም የተጀመሩ የቤቶች ግንባታም እስከ 20 በመቶ ተጠናቀዋል ብለዋል።

በአሁኑ ወቅት በአጠቃላይ 13 ሺህ 881 ቤቶች በግንባታ ላይ እንደሚገኙም ተናግረዋል።

በዚህም በሰንጋ ተራ 410 ቤቶች ፣ በክራውን ሳይት 880 ቤቶች በግንባታ ሂደት ላይ የሚገኙ ሲሆን ፥ አፈፃፀማቸውም  58 በመቶ እና 46 በመቶ ላይ ይገኛል።

በ2005 ዓ.ም በሰንጋ ተራ ሳይት የተጀመሩ 1292 ቤቶች ፣ በክራውን ደግሞ 5126 ቤቶች ግንባታቸው እየተፋጠነ ይገኛል ተብሏል።
 
ለቤቶቹ ግንባታ 1.5 ቢሊዮን ብር ወጪ የተደረገ ሲሆን ፥ በጥቃቅንና አነስተኛ ለተደራጁ ዜጎች የ29.6 ሚሊዮን ብር የገበያ ትስስር መፈጠሩንም ገልፀዋል።

ኢንተርፕራይዙ በ2007 ዓ.ም 15 ሺህ ቤቶችን በመገናኛ ፣ በኢምፔሪያል ፣ሲ ኤም ሲ፣ በቦሌ ቡልቡላና በሌሎችም አካባቢዎች ለመገንባት ዝግጅት እያደረገ መሆኑንም ነው የጠቆሙት።

ስራ አስኪያጁ በመግለጫቸው የመሰረተ ልማት ችግር ፣ የመሬት አቅርቦት እንዲሁም የተቋራጮች የአቅም ውስንነት በክፍተትነት አንስተዋል።

ለ40 /60 የጋራ መኖሪያ ቤቶች 164 ሺህ 79 ሰዎች ተመዝግበው 2.5 ቢሊዮን ብር ቆጥበዋል።

በትዕግስት ስለሺ

አዲስ አበባ ፣ግንቦት 8፣ 2006 (ኤፍ.ቢ.ሲ) የአለም የጤና ድርጅት በ2014 ሪፖርቱ በሁሉም ስፍራ በህይወት የመቆየት ጊዜ ጭማሪ ማሳየቱን ጠቁሟል።

በተለይም በማደግ ላይ ባሉ ሀገራት ለውጡ ከፍተኛ መሆኑን ያመለከተው ሪፖርቱ ፥ በህይወት የመቆየት ጊዜ እ.ኤ.አ  ከ1990 እስከ 2012 ድረስ በአማካይ የዘጠኝ አመት እድገት ማሳየቱን ገልጿል።

በዚህም ኢትዮጵያ ላይቤሪያን ተከትላ በህይወት የመቆየት ጊዜ በከፍተኛ ደረጃ እድገት ከታየባቸው ስድስት ሀገራት በሁለተኛነት ተቀምጣለች።

ኢትዮጵያ በህይወት የመቆየት እድሜን ከ45 ወደ 64 በማሳደግ ነው በሁለተኝነት ደረጃ ላይ የተቀመጠችው።

የአለም የጤና ድርጅት ዋና ዳይሬክተር ማርጋሬት ቻን ፤ በአለም አቀፍ ደረጃ በህይወት የመቆየት ጊዜ እድገት ሊያሳይ የቻለው ፥ እድሜያቸው ከአምስት አመት በታች የሆኑ ህፃናትን ሞት መቀነስ በማቻሉ ነው ብለዋል።

እ.ኤ.አ በ2012 የተወለዱ ሴቶች በአማካይ 73 አመት የመኖር እድል ሲኖራቸው ፤ በአንፃሩ የወንዶች ዕድሜ 68 ገደማ ነው።
በብዙ አገራት እየቀነሰ የሚገኘው ትምባሆን የመጠቀም ልምድ መቀነስ በህይወት የመቆየት ጊዜ እንዲጨምር አስተዋፅኦ ማድረጉንም ነው ድርጅቱ ጨምሮ የጠቆመው።
ከሳህራ በታች ባሉ አገራት ማለትም በአንጎላ ፣ በመካከለኛው አፍሪካ ሪፐብሊክ ፣ በዲሞክራቲክ ሪፐብሊክ ኮንጎ፣ በአይቮሪኮስት ፣ በሌሴቶ፣ በሞዛምቢክ እና በሴራሊዬን  በህይወት የመቆየት ጊዜ እስካሁን ከ55 መዝለል እንዳለቻለ ዘገባው ጨምሮ ገልጿል።

ምንጭ፦un.org
  

አዲስ አበባ ፣ ግንቦት 7 ፣ 2006 (ኤፍ.ቢ.ሲ.) በጠቅላይ ሚኒስትሩ ኢብራሂም ማህላብ የተመረቀዉ የግድቡ 50ኛ አመት ዝክር በካይሮ ኦፔራ አዳራሽ ትናንት ሲከበር ፤ የባህል ሚኒስትሩ  ሳብር አረብ ፣ የመስኖ ሚኒስትሩ ሞሃመድ አብደል ሙታሊብ እና የተለያዩ የሃገሪቱ ከፍተኛ የአገሪቱ ባለስልጣናትተገኝተዋል፡፡