በዓለም ዋንጫው ሜክሲኮ ጀርመንን አሸነፈች

አዲስ አበባ፣ ሰኔ 10፣ 2010 (ኤፍ.ቢ.ሲ) በሩሲያ እየተካሄደ ያለው 21 የዓለም ዋንጫ ዛሬም ቀጥሎ እየተካሄደ ነው።

በዛሬው እለት ተጠባቂ የነበረው ጨዋታ በምድብ ስድስት በተደለደሉት ሜክሲኮ እና ጀርመን መካከል ተካሂዷል።

ጨዋታውም በሜክሲኮ 1ለ0 አሸናፊነት የተጠናቀቀ ሲሆን፥ የዓለም ዋንጫን ታነሳለች የሚል ግምት የተሰጣት ጀርመንም የመጀመሪያ የምድብ ጨዋታዋን በሽንፈት ጀምራለች።

በጨዋታው ላይ ሎዛኖ በ35ኛው ደቂቃ ላይ ያስቆጠራት ጎል የሜክሲኮ ብሄራዊ ቡድንን አሸናፊ አድርጋለች።

እስካሁን ባለው ውጤትም ሜክሲኮ በዛሬው ጨዋታ ባገኘችው ውጤት ምድብ ስድስትን በመምራት ላይ ትገኛለች።

ዛሬ በተደረገ ጨዋታ ምድብ 5 ውስጥ የተደለደሉትን ሰርቢያ እና ኮስታሪካን አገናኝቷል።

ጨዋታውም በሰርቢያ ብሄራዊ ቡድን 1ለ0 አሸናፊነት የተጠናቀቀ ሲሆን፥ የሰርቢያን የማሸነፊያ ጎልም ኮላሮቭ በ56ኛው ደቂቃ ከመረብ አሳርፏል።