ጅማ አባጅፋር የፕሪምየር ሊጉን መሪነት ተረከበ

አዲስ አበባ፣ ሰኔ 5፣ 2010 (ኤፍ.ቢ.ሲ) የኢትዮጵያ ፕሪምየር ሊግ 26 ሳምንት ቀሪ ጨዋታዎች ዛሬ በአዲስ አበባ ስታድየም ቀጥለው ተካሄደዋል።

ዛሬ በ10 ሰዓት አዲስ አበባ ስታዲየም ላይ መከላከያ ከጅማ አባጅፋር የተገናኙበት ጨዋታ በጅማ አባጅፋር 1ለ0 አሸናፊነት ተጠናቋል።

ተመስገን ገብረኪዳን በ28ኛው ደቂቃ ያስቆጠራት ጎል ጅማ አባ ጅፋርን አሸናፊ ያደረገች ሲሆን፥ ክለቡ 3 ነጥብ እንዲያገኝና ክለቡ የሚጉን መሪነት እንዲረከብ አስችላለች።

በሌላኛው ጨዋታ 11 ሰዓት ከ30 ደቂቃ ላይ በአዲስ አበባ ስታዲየም ኢትዮጵያ ቡና አዳማ ከተማን አስተናግዶ ጨዋታ 1ለ0 ውጤት ማሸነፍ ችሏል።

ኢትዮጵያ ቡናን አሸናፊ ያደረገችውን ግብ ሳሙኤል ሳኑሚ በ45ኛው ደቂቃ አስቆጥሯል።

ይህንንም ተከትሎ ጅማ አባ ጅጋር በ45 ነጥብ እና በ14 ንፁህ ጎል ፕሪምየር ሊጉን በአንደኝነት መምራት ችሏል።

ቅድስ ጊዮርጊስን በ45 ነጥብ እና በ12 ንፁህ ጎል ሁለተኛ ደረጃን ሲይዝ፤ ኢትዮጵያ ቡና እና መቀሌ ከተማ በእኩል በእኩል 43 ነጥብ ተከታዮቹን ደረጃ ይዘዋል።