ብራዚል በሩሲያ ዓለም ዋንጫ ላይ የሚወክሏትን የ23 ተጫዋቾች ዝርዝር ይፋ አደረገች

አዲስ አበባ፣ ግንቦት 7፣ 2010 (ኤፍ.ቢ.ሲ) በሩሲያ አዘጋጅነት በቀጣዩ ወር ለሚካሄደው የ2018 የፊፋ ዓለም ዋንጫ ውድድር ላይ የብራዚል ብሄራዊ ቡድንን የሚወክሉ 23 ተጫዋቾች ታወቁ።

የብራዚል ብሄራዊ ቡድን አሰልጣኝ አዴኖር ሌዮናርዶ ባክቺ ይፋ ባደረጉት የተጫዋቾች ዝርዝር ውስጥ በጉዳት ላይ የሚገኘው ኔይማይ መካተቱ ተሰምቷል።

ለፈረንሳዩ ፓሪስ ሴንት ጄርሚያን የሚጫወተው ብራዚላዊው አጥቂ ኔይማር በሳለፍነው መጋቢት ወር ላይ ያጋጠመውን ጉዳት ተከትሎ ቀዶ ጥገና ህክምና ካደረገ ወዲህ ከሜዳ ርቋል።

የአሰልጣኝ አዴኖር ሌዮናርዶ ምርጫ ዝርዝር፦ 

ግብ ጠባቂዎች፦ አሊሰን (ከሮማ)፣ ኤደርሰን (ማንቸስተር ሲቲ)፣ ካሲዮ (ከኮሮንቲያስ)

ተከላካዮች፦ ዳኒኤሎ (ከማንቸስተር ሲቲ)፣ ፋግነር (ከኮሮንቲያስ)፣ ማርሴሎ (ከሪያል ማድሪድ)፣ ፊሊፕ ሉዊስ (ከአትሌቲኮ ማድሪድ)፣ ቲያጎ ሲልቫ እና ማርኩዌዝ (ከፒ.ኤስ.ጂ)፣ ሚራንዳ (ከኢንተር ሚላን) እንዲሁም ፔድሮ ጀርሞዌል (ከጀርሚዮ)

አማካዮች፦ ካስሜሪዮ (ከሪያል ማድሪድ)፣ ፌርናንዲኒሆ (ከማንቸስተር ሲቲ)፣ ሬናቶ አጉስቶ (ቤጂንግ ጉዋን)፣ ፊሊፕ ኩቲንሆ (ከባርሴሎና)፣ሚሊያን (ከቼልሲ)፣ ዶጉላስ ኮስታ (ከጁቬንቱስ)

አጥቂዎች፦ ኔይማር (ከፒ.ኤስ.ጂ)፣ታይሶን (ከሻካታር ዶኔስክ)፣ ጋብርኤል ጂሰስ (ከማንቸስተር ሲቲ)፣ ሮቤርቶ ፊርሚኒሆ (ከሊቨርፑል) ተመርጠዋል። 

ደቡብ አሜሪካዊቷ ሀገር ብራዚል በምድብ አምሰት ከኮስታ ሪካ፣ ሰርቢያ እና ስዊዘርላንድ ጋር ነው የተደለደለችው።

የብራዚል ብሄራዊ ቡድን በሩሲያ ዓለም ዋንጫ የመጀመሪያ የምድብ ጨዋታውን እንደ አውሮፓውያኑ አቆጣጠር ሰኔ 10 2018 እንደሚያካሂድ የወጣው መርሃ ግብር ያመለክታል።

ብራዚል እንደ አውሮፓውያኑ አቆጣጠር በ2014 በሀገሯ ባዘጋጀችው የዓለም ዋንጫን 4ኛ ደረጃን ይዛ ማጠናቀቋ አይዘነጋም።

በወቅቱ ጀርመን ውድድሩን በአንደኝነት በማጠናቀቅ ዋንጫውን ማንሳት ችላለች።

ምንጭ፦ cgtn.com