አሰልጣኝ ስዩም ከበደና ሰበታ ከተማ ተለያዩ

አዲስ አበባ፣ መጋቢት 5፣ 2010 (ኤፍ.ቢ.ሲ) የከፍተኛ ሊጉ ክለብ ሰበታ ከተማን በውድድር አመቱ መጀመርያ ተረክበው ወደ ፕሪምየር ሊጉ ለማደግ ፉክክር እያደረጉ የነበሩት አሰልጣኝ ስዩም ከበደ ከክለቡ ጋር በስምምነት ተለያይተዋል።

የቀድሞው የቅዱስ ጊዮርጊስ እና አዲስ አበባ ከተማ አሰልጣኝ በሰበታ መልካም ጊዜ እያሳለፉ እንደመገኘታቸው መልቀቃቸው አስገራሚ ሆኗል።

ሆኖም ግን አሰልጣኙ ከፕሪምየር ሊግ ክለቦች በተለይም ከመከላከያ የቀረበላቸውን የአሰልጥንልን ጥያቄ በመቀበላቸው ምክንያት ከሰበታ ከተማ ጋር ለመለያየት እንደወሰኑ ተነግሯል።

በዛሬው እለት መልቀቂያቸውን የተቀበሉት አሰልጣኝ ስዩም ወደ መከላከያ ለመቀላቀል እንደተቃረቡ እና በቀጣዮቹ ቀናት ቡድኑን ሊረከቡ እንደሚችሉ ተሰምቷል።

በተያያዘ ዜና አሰልጣኝ ምንያምር ጸጋዬ ከመከላከያ አሰልጣኝነታቸው መሰናበታቸው ተረጋግጧል።

ምንጭ፦ www.soccerethiopia.net