ወልዲያ ዘማሪያም ወልደጊዮርጊስን አሰልጣኝ አድርጎ ሾመ

አዲስ አበባ፣ ሃምሌ 8፣ 2009 (ኤፍ ቢ ሲ) ወልድያ ከተማ ዘማሪያም ወልደ ጊዮርጊስን  አሰልኝ አድርጎ ሾመ፡፡

አሰልጣኝ ዘማርያም በኢትዮጵያ ፕሪምየር ሊግ የ2009 የውድድር ዘመን ክስተት የነበረው ፋሲል ከነማን፥ ከኢትዮጵያ ከፍተኛ ሊግ ወደ ፕሪምየር ሊጉ በማሳደግ በሊጉ ጠንካራ የሆነ ቡድን መገንባት ችለዋል፡፡

በሁለተኛው ዙር ቡድኑ ካጋጠመው መንሸራተት እና ከህክምና ጋር በተያያዘ ከክለቡ ጋር የተለያዩት አሰልጣኝ ዘማሪም፥ ወልደጊዮርጊስ ቀጣዩ የወልድያ አሰልጣኝ ሆነው መሾማቸው ታውቋል፡፡

በአዳማ ከተማ ፣ ባህርዳር ዩኒቨርስቲ እንዲሁም በሌሎች የሊጉ የታችኛው እርከን በሚገኙ ክለቦች የማሰልጠን ልምድ ያላቸው አሰልጣኝ ዘማሪያም ወልደጊዮርጊስ በፋሲል ከነማ የሁለት ዓመት ከግማሽ ቆይታ ነበራቸው፡፡

አፄዎቹ በ2008 የውድድር ዘመን በኢትዮጵያ ከፍተኛ ሊግ ጠንካረው ከምድብ ሀ ወልዲያን በማስከተል ከ2000 የውድድር ዘመን በኃላ ወደ ፕሪምየር ሊግ እንዲገቡ አሰልጣኙ ከፍተኛ አስተዋፅኦ አድርገዋል፡፡

በተጠናቀቀው የ2009 ውድድር ዘመን በፕሪምየር ሊጉ ከቡድኑ እስከተለያዩበት ወቅት ፋሲል ከተማ ጥ እንቅስቃሴ እንዲያሳይ አድረገዋል፡፡

አሰልጣኙ ከፋሲል ከነማ ከተለያዩበት ጊዜ አንስቶ ስማቸው ከተለያዩ ክለቦች ጋር ሲያያዝ ቢቆይም በመጨረሻም መዳረሻቸው ወልዲያ ሆኗል፡፡
በዛሬው እለት ከክለቡ ጋር በተፈራረሙት ውል መሰረት ለቀጣይ ሁለት የውድድር ዘመናት ወልድያን የሚያሰለጥኑ ሲሆን፥ ከሊጉ ከፍተኛ ደሞዝ ተከፋዮች አንዱ እንደሆኑ ታውቋል፡፡

ወልዲያ በኢትዮጵያ ጥሎ ማለፍ ግማሽ ፍጻሜ በመከላከያ ከደረሰበት ሽንፈት በኋላ ከቀድሞው አሰልጣኝ ንጉሴ ደስታ ጋር በስምምነት መለያየቱ ይታወሳል፡፡

 

 

 

ምንጭ፡-ሶከር ኢትዮጵያ