ምሳ ከመድረሱ ከሦስት ደቂቃ በፊት ከስራ የሚወጡት ጃፓናዊ ተቀጡ

አዲስ አበባ፣ ሰኔ 15፣ 2010 (ኤፍቢሲ) በጃፓን ኮቤ "ዋተርዎርክ" መስሪያ ቤት ውስጥ የሚሰሩ ጃፓናዊ ግለሰብ ምሳ ሰዓት ከመድረሱ ከሦስት ደቂቃ በፊት ቀደም በማለት የሚወጡትን ግለሰብ ባለስልጣናቱ መቅጣታቸውን አስታውቀዋል፡፡

ይህ ማንነታቸው ያልጠጠቀሰው የ64 ዓመቱ ግለሰብ የግማሽ ቀን ደሞዛቸው እንደተቆረጠባቸው ተግልጿል፡፡

ግለሰቡ ለ26 ጊዜ ተመሳሳይ ድርጊት መፈጸማቸውንም የዋተርዎርክ የስራ ኃላፊዎቹ አስታውቀዋል፡፡

ሆኖም በማህበራዊ ሚዲያ ጉዳዩ መነጋገሪያ የሆነ ሲሆን፥ ቅጣቱ ተገቢ አይደለም የሚሉ ሰዎችም ተበራክተዋል፡፡

ምክንያታቸውንም ሲያስረዱ በዚህኛው ዘመን የሻይ እረፍትና መሰል ጉዳዮችን ለማድረግ የሚሰጥ እረፍት የለም የሚለውንም ጠቅሰዋል፡፡

በመገናኛ ብዙኀን ስለጉዳዩ መግለጫ የሰጡት ባለስልጣናት ስለግለሰቡ ባህሪ ይቅርታ ጠይቀዋል፡፡

አራቱም የስራ ኃላፊዎች በጃፓን ባህል መሰረት አንገታቸውን በመድፋት ነው ይቅርታ የጠየቁት ተብሏል፡፡

ከስራ ኃላፊዎቹ አንደኛው የቅጣት ውሳኔውን ሊያስተላልፉ የቻሉት "የህዝብ አገልጋይ እንደመሆናችን የተሰጠንን ተግባር በተሰጠን ሰዓት ማከናወን ስላለብን ነው" ብለዋል፡፡

ሆኖም የዋተርዎርክ የስራ ኃላፊዎች ውሳኔውን በድጋሚ ሊያጤኑት እንደሚችሉም አስታውቀዋል፡፡

 

 


ምንጭ፦ሲኤንኤን
በአብርሃም ፈቀደ