የዓለም ባለትልቅ እግሩ ቬንዙዌላዊ አዲስ ጫማ ሰሪ ከጀርመን አግኝቷል

አዲስ አበባ፣ ሰኔ 6፣ 2010 (ኤፍ.ቢ.ሲ) ቬንዙዌላዊው ጄሰን ኦርላንዶ ሮድሪጌዝ ሄርናንዴዝ በእግሩ ትልቀት የዓለምን ክብረ ወሰን የያዘ መሆኑ ይታወሳል።

ባለ ትልቅ እግሩ ኦርላንዶ ሮድሪጌዝ ሄርናንዴዝ የእግሩ ትልቀት በዓለም ታዋቂ ቢያደርገውም፤ ጫማ ማግኘት ግን ለእሱ በጣም ፈታኝ ነገር እንደሆነበት ነው የሚናገረው።

የወጣቱ ክብረ ወሰኑን በያዘበት ወቅት የቀኝ እግረ 40 ነጥብ 1 ሴንቲ ሜትር የሚረዝም ሲሆን፥ የግራ እግሩ ደግሞ 39 ነጥብ 6 ሴንቲ ሜትር ርዝመት እንደነበረው ተነግሯል።

አሁን ላይ ግን የጄሰን ኦርላንዶ ሮድሪጌዝ ሄርናንዴዝ የእግር ርዝመት አሁንም ጨምሯል የተባለ ሲሆን፥ ቀኝ እግሩ 40 ነጥብ 55 ሴንቲ ሜትር፤ ግራ እግሩ ደግሞ 40 ነጥብ 47 ሴንቲ ሜትር ደርሷል ነው የተባለው።

በዚህ ደግሞ ወጣቱ ባለትልቅ እግር የሚያደርገው የጫማ ቁጥርን በእኛ አቆጣጠር ከ50 በላይ እንደሚያደርገው ነው የሚነገረው።

ታዲያ ከ50 ቁጥር በላይ ይቅርና ከ42 ቁጥር በላይ ጫማ እንኳ በቀላሉ ማግኘት አስቸጋሪ መሆኑ ይታወቃል።

አሁን ላይ ግን ለሮድሪጌዝ ሄርናንዴዝ አዲስ ጫማ የሚሰራለት ሰው ከወደ ጀርመን መገኘቱ ነው የተነገረው።

jeson_shoes_2.jpg

ጀርመናዊው የጫማ ስራ ባለሙያ ጆርጅ ዌልስ ለጄሰን ነው ኦርላንዶ ሮድሪጌዝ ሄርናንዴዝ የሚሆነውን አዲሱን ጫማ የሰራው ተብሏል።

ጄሰን ይናገራል፥ “በዓለማችን ላይ ባለትልቅ እግር ሰው በመሆኑ ደስተኛ ነኝ፤ መከ16 ዓመቴ ጀምሮ ለእኔ የሚሆን ጫማ ማግኘት በጣም አስቸጋሪ ነበር” ብሏል።

አሁን ላይ ግን ለእሱ የሚሆን ጫማ ከወደ ጀርመን ማግኘቱ እንዳስደሰተውም ተናግሯል።

ምንጭ፦ Guinness World Records