‘‘በፕላስቲክ ሰርጀሪ’’ ቀዶ ህክምና ታዋቂዋን ተዋናይት ለመመሳሰል የቻለችው ቻይናዊት ወጣት

አዲስ አበባ፣ ሰኔ 4፣ 2010 (ኤፍ.ቢ.ሲ) ሂ ቸሀንግኤክሲ የተባለችው የ23 ዓመት ቻይናዊት ወጣት ‘‘በፕላስቲክ ሰርጀሪ’’ ቀዶ ህክምና የምታደንቃትን ተዋናይት ለመመሳሰል መቻሏ ተገልጿል።

አሁን ላይ ‘‘በፕላስቲክ ሰርጀሪ’’ ቀዶ ህክምና የምንፈልገውን ዓይነት መልክና ቁመና ለማግኘት የምንችል ቢሆንም፥ ይህን ሃሳብ ወደ ተግባር ለመቀየር ረጀም ‘‘ፕላስቲክ ሰርጀሪ’’ ቀዶ ህክምና ክትትልና ከፍተኛ ወጪ የሚጠይቅ ነው ተብሏል።

ኦዲቲ ሴንትራል በዘገባው እንዳሰፈረው ግን ሂ ቸሀንግኤክሲ የተባለችው የ23 ዓመት ቻይናዊት ወጣት ከ 8 ዓመት ‘‘የፕላስቲክ ሰርጀሪ’’ ቀዶ ህክምና ክትትልና ከ10 ሺህ የአሜረካን ዶላር ወጭ በኋላ የምታደንቃትን ተዋናይት ለመመሳሰል ችላለች ነው የተባለው።

በፊልም አዘጋጅነት፣ በድምፃዊነትና በፋሽን ሾው የተዋጠላት ቢንግ ቢንግ የተባለችው ቻይናዊት የሚሊየን ቻይናዊያን እና የአለም አቀፍ ትኩረትን የሳበች በመሆኗ አድናቂዋ ሂ ቸሀንግኤክሲ እሷን ለመምሰል ያነሳሳት መሆኑን ዘገባው አመላክቷል።

አሁን ላይ በሁለቱ ወጣቶች መካከል የስም ልዩነት ካልሆነ በስተቀር አንዷን ከሌላዋ ለመለየት የማይቻል እንደሆነና ተመክልካቾቹን የሚያደናግሩ መሆኑን ነው ዘገባው የሚያመላክተው።

በዚህም ከ8 ዓመታት ‘‘የፕላስቲክ ሰርጀሪ’’ ቀዶ ህክምና እና ከ10 ሺህ የአሜሪካን ዶላር ወጭ በኋላ ወጣቷ የምታደንቃትን ቢንግ ቢንግ በመምሰል ባዓለም አቀፍ ደረጃ መወያያ መሆን መቻሏ ታውቋል።

ይህን ህልሟን እውን ያደረገችው ሂ ቸሀንግኤክሲ በአዲሱ ተክለ ሰውነቷና መልኳ በቻይ የድምጽ ውድድር ላይ በመቅረብ ተመልካቾችና ዳኞቸን ያስደመመች መሆኗም ነው የተገለጸው።

በዚሁ ውድድር ከመጀመሪያ ዙር በኋላ ለመቀጠል ያልቻለችው ሂ ቸሀንግኤክሲ በልዩ ሁኔታ በዳኞች ልዩ ፈቃድ እስከ ውድድሩ የመጨረሻ ክፍል እንድትዘልቅ ተደርጓልም ነው የተባለው።

የወጣቷ በዚሁ ውድድር የመቆየቷ ጉዳይ ለጊዜው አወዛጋቢ ሆኖ ቢቆይም ወጣቷ ቢንግ ቢንግን ለመምሰል ባደረገችው ጥረትና ውጤት ያገኘችው እውቅና ይህን እድል ልታገኝ እንድትችል አድርጓል ተብሏል።

የ ሂ ቸሀንግኤክሲ የፍቅር አጋር ለዚሁ ስኬታማ ‘‘የፕላስቲክ ሰርጀሪ’’ ቀዶ ህክምና አገልገሎት ክሊሊክ የከፈተና ክሊኒኩም በዚሁ አጋጣሚ ከፍተኛ እውቅና ያገኘ መሆኑ ነው የተገለጸው።

ሂ ቸሀንግኤክሲ ዌኢቦ በተባለው የቻይና የማህበራዊ ደረገጽ አካውንቷም 1ነጥብ 2 ሚሊየን ተከታዮች ያሏት እንደሆነ ነው የተገለጸው።

ምንጭ፦ odditycentral.com

 

የተተረጎመውና የተጫነው፦ በእንቻለው ታደሰ