የኢትዮጵያ አየር መንገድ 100ኛ አውሮፕላኑን ተረከበ

አዲስ አበባ፣ሰኔ፣ 1፣2010 (ኤፍ.ቢ.ሲ) የኢትዮጵያ አየር መንገድ ከአፍሪካ የመጀመሪያ የ100 አውሮፕላኖች ባለቤት ያደረገውን ቦይንግ 787 ድሪም ላይነር አውሮፕላን ተረክቧል።

የአየር መንገዱ ዋና ስራ አስፈጻሚ አቶ ተወልደ ገብረ ማርያም፥ የአየር መንገዱ እዚህ መድረስ ለኢትዮዽያውያን ትልቅ ኩራት መሆኑን ተናግረዋል።

ተቋሙ የተረከበው ይህ አውሮፕላን በፈረንጆቹ 2025 በአውሮፕላን ቁጥር የያዘውን እቅድ ለማሳካት ከፍተኛ አስተዋጽኦ እንዳለው ተነግሯል።

አፍሪካን በንግድ ፣ በኢንቨስትመንትና በቱሪዝም ለማስተሳሰር የአየር መንገዱ ትኩረት እየራ መሆኑ የተናገሩት ስራ አስፈጻሚው፥ ይህን ለማጠናከርም ተጨማሪ አምስት ቦይንግ 787 እና 16 ኤር ባስ ኤ 350 አውሮፕላኖችን እንዳዘዘጠቁመዋል።

አዲሱ አውሮፕላን ወደ ስዊዘርላዱ ጄኔቫ ከተማ በሚያደርገው በረራ ስራ እንደሚጀምር ታውቋል።

በቤቴልሄም ጥጋቡ