የቴሌኮም ማጭበርበር ላይ የተሳተፉ 70 ግለሰቦች በቁጥጥር ስር መዋላቸው ተገለፀ

አዲስ አበባ፣ ግንቦት 11፣ 2010 (ኤፍ.ቢ.ሲ)ከ2009 ዓ.ም ጀምሮ ህገ-ወጥ የቴሌኮም ማጭበርበር ላይ የተሳተፉ 70 ግለሰቦች በቁጥጥር ስር መዋላቸውን ኢትዮ-ቴሌኮም አስታወቀ።

የተቋሙ የኮሙኒኬሽን ዳይሬክተር አቶ አብዱራሂም አህመድ ፥በኢትዮጵያ በተለያዩ ጊዜያት የቴሌኮም ማጭበርበር ወንጀሎች ይፈጸማሉ።

የቴሌኮም ማጭበርበር ዓለም አቀፍ የድምጽ ጥሪዎችን በመቀነስ በአገሪቱ ገቢ ላይ ከፍተኛ ተጽእኖ እያሳደረ ይገኛል ብለዋል።

ከዚህ ባለፈ የቴሌኮም ማጭበርበር የተደረገባቸው ከ600 በላይ ህገ-ወጥ መሳሪያዎች እንደተያዙ ተገልጿል።

ኢትዮጵያ በህገ-ወጥ የቴሌኮም ማጭበርበር በየዓመቱ በቢሊዮን የሚቆጠር ከውጭ ምንዛሪ ማግኘት የሚገባትን ገቢ እያጣች መሆኑ ተነግሯል።

በመሆኑም ይህን ህገ-ወጥ ተግባር ለመከላከል ግብረ-ኃይል መቋቋሙንና በቴክኖሎጂ የታገዘ የመከላከል ስራ እየተሰራ ነው ተብሏል።

ምንጭ፦ኢዜአ