ኢትዮጵያ ከናይጄሪያ ጋር የነበረውን የአየር በረራ አገልግሎት አሻሽላ ተፈራረመች

አዲስ አበባ፣ መስከረም 27፣ 2010 (ኤፍ.ቢ.ሲ) ኢትዮጵያ ከናይጄሪያ ጋር ተፈራርማ የነበረውን የአየር በረራ አገልግሎት አሻሽላ ተፈራረመች ።

የኢትዮጵያ የሲቪል አቪዬሽን ባለስልጣን ለፋና ብሮድካስቲንግ ኮርፖሬት በላከው መግለጫ፥ ከዚህ ቀደም የነበረው ስምምነት የኢትዮጵያ አየር መንገድ ወደ ሌጎስ፣ አቡጃ፣ ኢኑጉ እና ከተሞች በሳምንት ሰባት ቀን እንዲበር ነበር ስምምነቱ።

በተሻሻለው ስምምነት ግን አየር መንገዱ በተጨማሪ ካዱና ወደ ተባለች ሌላ የናይጄሪያ ከተማ በሳምንት ሶስት ጊዜ እንዲበረር፣ ፖርትሃርኮትን ጨምሮ ወደ ሌሎች የናይጄሪያ ከተሞች ለመብረር እና በረራ በሚካሄድባቸው የናይጄሪያ ከተሞች ያለውን ሳምንታዊ የበረራ ምልልስ መጠን ለማሳደግ ነው ከስምምነት የተደረሰው

በኢትዮጵያ በኩል ስምምነቱን የፈረሙት የኢትዮጵያ ሲቪል አቪዬሽን ባለሥልጣን ዋና ዳይሬክተር ኮ/ል ወሠንየለህ ሁነኛው ሲሆኑ፥ ናይጄሪያን በመወከል ደግሞ የናይጄሪያ ፌዴራል ትራንስፖርት ሚኒስቴር የአቪዬሽን ዘርፍ ኃላፊ ማኮጂ ሙሳ አብዱላሂ ናቸው።