የክረምት ወራትን ተናፋቂ የሚያደርጉ 5 ነገሮች…

አዲስ አበባ፣ ሰኔ 6፣ 2010 (ኤፍ.ቢ.ሲ) ቀዝቃዛ የአየር ንብረት የሚመቻቸው ሰዎች የክረምት ወራትን አብዝተው ይናፍቃሉ።

በዚያው ልክ ዝናብ፣ ነጎድጓድ እና መብረቅ የሚፈሩ፣ ደብዘዝ ያለ የአየር ሁኔታ የማይመቻቸው ሰዎች የክረምት ወራት ባይኖሩ ብለው ይማፀናሉ፤ የክረምቱን ማለቅ በጉጉት ይጠባበቃሉ።

በእርግጥም ክረምት የራሱ ውበት እና ጣዕም አለው።

ክረምት ሲመጣ ብዙ ጊዜ ከቤት የመውጣት እድላቸውን ስለሚቀንስ ጥሩ የጥሞና ጊዜን እንድናሳልፍ እድል ይሰጣል።

ከዚህም በተጨማሪ ክረምት በርካታ የጤና ጥቅሞችን ይዞ እንደሚመጣ ተመራማሪዎች ይናገራሉ፡፡

ለአብነት ያህል ክረምት በመጣ ቁጥር ሰዎች የሚከተሉትን የጤና በረከቶች ያገኛሉ፡፡ 

1. ጤናማ የሆነ አመጋገብ እንዲኖር ያደርጋል

በክረምት ወቅት ቀዝቃዛ የአየር ሁኔታ ስለሚኖር ምግቦች ጤንነታቸው እንዲጠበቁ ያግዛል፡፡

ይህ ደግሞ ሰዎች የሚመገቡት ምግብ ጤንነቱ የተጠበቀ እንዲሆን ያግዛል።

በበጋ ወቅት ግን ከፍተኛ ሙቀት በመኖሩ ምክንያት ምግቦች የመበላሸት እድል ስለሚያጋጥማቸው የአመጋገብ ስርዓትን ያዛባል፡፡

2. ለአካላዊ እንቅስቃሴ መልካም አጋጣዎሚችን ይፈጥራል

ሰዎች በበጋ ወቅት የአካል እንቅስቃሴን ለመስራት ብዙ ጊዜ በቤት ውስጥ የሚሰሩ ጂምናዚዬሞችን ለመምረጥ ይገደዳሉ፡፡

የአየር ሁኔታው ተቀይሮ ክረምት በሚመጣበት ጊዜ ግን ቅዝቃዜ እና ንጹህ አየር ስለሚኖር ከቤት ውጭ በጎዳናዎች ወይም ሜዳ ላይ የእግር እርምጃ፣ የሰውነት ማሟሟቅ እና ሌሎችንም የአካል ብቃት እንቅስቃሴዎችን የማድረግ እድል ይኖራል።

በዚህም ምክንያት በክረምት በቂ አካል እንቅስቃሴ ማድረግ ስለሚቻል በሰውነት ውስጥ የሚገኝ ከመጠን ያለፈ ካሎሪን ለመቀነስ ያስችላል፡፡

3. ጭንቀትን በመቀነስ ደስታን ይጨምራል

በክረምት ወቅት ከስራ ሰዓት ውጭ ባለው ጊዜ አልያም እረፍት ወስዶ በተፈጥሮ ልምላሜ እና በንጹህ አየር ራስን ማዝናናት እና ማርካት ጭንቀትን ለመቀነስ ይረዳል፡፡

በስራ ተወጥሮ የነበረው አዕምሮ ክረምት በሚያመጣቸው የተፈጥሮ ፀጋዎች መንፈሳዊ እርካታን ያገኛል፡፡

ክረምት ሰዎች መልካም የሆነ አስተሳሰብን እንዲያዳብሩ እንደሚያደርግም ተመራማሪዎች ተናግረዋል፡፡

4. በሽታ አምጭ ተህዋስያንን የሚሸከሙ ነፍሳት አይፈጠሩም

ክረምት ቅዝቃዜ እና ከዝናብ የሚገኝ በቂ የውሃ መጠን ስለሚኖረው በበጋ ወቅት የሚፈጠሩ እንደ አናፊለስ እና ዝንብ ያሉ ነፍሳትን ያጠፋል፡፡

በዚህም ወባን ከመሳሰሉ በነፍሳት ከሚመጡ ገዳይ በሽታዎች እንድንርቅ ያደርጋል፡፡

5. በሰውነት መገጣጠሚያ የሚከሰት የማቃጠል ስሜትን ይቀንሳል

ብዙ ጊዜ ሰዎች የሰውነት ጉዳት ሲገጥማቸው በረዶ በመጨመር ህመሙን ለመቀነስ ይሞክራሉ።

በክረምት ወቅት ያለው የአየር ሁኔታ ግን በሰውነታችን ያለውን የማቃጠል ስሜት እንዲቀንስ በማድረግ ከስቃይ እንደሚገላግለን በርካታ ጥናቶች አመላክተዋል፡፡

ምንጭ፡ - www.huffingtonpost.com