አይ ኬር ናይጄሪያውያን በኦንላይን በኩል የህክምና አገልግሎት ማቅረብ ሊጀምር ነው

አዲስ አበባ፣ የካቲት 2፣ 2010 (ኤፍ ቢ ሲ) በናይጄሪያ በሺህ የሚቆጠሩ የሕክምና ባለሙያዎችና የጤና ማእከሎች አሉ።

ይሁን እንጂ እነዚህ የህክምና ማዕከላት ቁጥሩ ከፍ ያለ ህዝብ የሚሄድባቸው በመሆኑ ህክምናን ፈልጎ የሄደን ሰው በፍጥነት የማስተናገድ ችግር እንዳለባቸው ነው የሚነገረው።

ይህን ችግር በመመልከትም አይ ኬር የተባለው ድረገፅ ታካሚዎች በኦንላይን አቅራቢያቸው በሚገኝ የህክምና አገልግሎት የተቀላጠፈ አገልግሎት እንዲያገኙ ምዝገባ አንዲፈፅሙ እና ቀጠሮ እንዲይዙ የሚያስችል ሁኔታን እያመቻቸ ነው።

ኒዋቹክዉ ክርስቲያን በተባለው ሰው የተገነባው ይህ ስርአት፥ አይ ኬር ታካሚዎችን ከሕክምና ባለሙያዎች ጋር በመገናኘት ለማማከር እና ቀላል በሆነ ሂደት የሕክምና ባለሙያዎች ተደራሽ ለማድረግ ያለመ መሆኑ ተገልጿል።

እንደ ኒዋቹክዉ ገለፃ፥ መረጃን መሰብሰብ እና መረጃን ማግኘቱ ጤናን ለማጎልበት እና የጉዳት ደረጃን ለመቀነስ በጣም ወሳኝ ነው።

ታካሚዎች ከቤት ወይም ከቢሮ ከህክምና ባለሙያ ጋር መገናኘት በሚችሉበት icare-ng.com የተባለ ድረገፅ በኩል የመረጃ ክፍተቱን በመሙላት ይህንን ግብ ማሳካት ነው” ብለዋል።

በተጨማሪም ድረገፁ የታካሚዎች አቅምን ያገናዘቡ የጤና አገልግሎት ሰጪዎችን በመዘርዘር ሰዎች በተመጣጠነ ዋጋ አገልግሎት እንዲያገኙ ለማስቻል ጥረት እያደረገ መሆኑ ተነግሯል።

 

 

 

ምንጭ፦techmoran.com