በደቡብ ኮሪያ ከ1ሚሊየን በላይ አዲሶቹ የሳምሰንግ ጋላክሲ ኤስ 9 ስማርት ስልኮች ሽያጭ እንደተመዘገበ ኩባንያው ገለጸ

አዲስ አበባ፣ ግንቦት07፣ 210(ኤፍ.ቢ.ሲ) ቀደም ብሎ ከፍተኛ ግምት ተሰጥቷቸው የነበሩት የሳምሰንግ ኩባንያ ኤስ ጋላክሲ ኤስ 9 ስማርት ስልኮች በኩባንያው መቀመጫ በሆነችው ደቡብ ኮሪያ የገበያ ተፈላጊነታቸው ቀድሞ የተሰጣቸውን ግምት ያህል እንዳልሆነ ተግልጿል።

ጋላክሲ ኤስ 9 አዲሶች የኩባንያው ምርቶች ከፈረንጆቹ መካቢት 16 ጀምሮ ገበያውን የተቀላቀሉ ሲሆን፥ በ2 ወራት ጊዜ ያህል 1ሚሊየን ያህል ስማርት ስልኮች ብቻ መሸጣቸው ነው የተገለጸው። 

 ከእነዚህ አዲሶቹ የኩበንያው ምርቶች በፊት ገበያውን የተቀላቀለው ኤስ 8 ስማርት ስልክ ግን ገበያ ላይ በዋለ በ37 ያህል ቀናት ብቻ ከ1ሚሊየን በላይ ምርቶቹ በደቡብ ኮሪያ ገበያ ላይ ተሸጠው የነበረ መሆኑ ነው የተገለጸው።

የኩባንያው ኤስ 8(2018) ስማርት ስልክ ገበያውን በተቀላቀለበት ወቅት በደቡብ ኮሪያዎቹ ዘንድ ተመራጭና ጥሩ ገበያ የነበረው እንደሆነም ታውቋል።

ጋላክሲ ኤስ 9 ስማርት ስልኮች በደቡብ ኮሪያ ገበያ ላይ ያላቸው ተፈላጊነት ከኤስ 8 ጋር ሲነፃፃር ዝቅተኛ ሆኖ ተመዝግቧል ነው የተባለው።

ኩባንያው ገበያ ላይ ያዋላቸው አዲሶቹ ጋላክሲ ኤስ 9 የእጅ ስልኮች ቀደም ሲል ገብያው ላይ ከነበሩት የኩባንያው ምርቶች ኤስ 8 ስማርት ስሌኮች አንፃር ይዘዋቸው የመጡት ተጨመሪ ነገሮች ውስን መሆናቸውና የዋጋ ጭማሪው ተፈላጊነታቸው እንዲቀነስ አድረጓል ሲሉም አስተያየት ሰጪዎች ተናግረዋል ተብሏል።

ጋላክሲ ኤስ 9 ስማርት ስልኮች ገበያ ላይ ከዋሉ በኋላ ከ1ሚሊየን ያህሉ እንደተሸጡ ኩባንያው የገለጸ ሲሆን፥ ኩባንያው በምርቶቹ ሽያጭ አፈፃፀም ላይ መግለጫ ሲሰጥ ይህ የመጀመሪያው እንደሆነ ነው የተገለጸው።

ስለ አለም አቀፉ ገብያ ግን ኩባንያው ያለው ነገር እንደሌለ ነው ዘገባው የሚያስረዳው።

 

 

 

 

 

 

 

 

 

ምንጭ፦ sammobile.com

 

የተተረጎመና የተጫነው፦ በእንቻለው ታደስ